16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Զապորոժիեի ատոմակայանն ամբողջովին դուրս է մնացել ՄԱԳԱՏԷ-ի վերահսկողությունից
Քաղաքականություն
04.08.2022 | 19:56
Եվրոպայում ամենամեծ՝ Զապորոժիեի ատոմակայանն «ամբողջովին դուրս է մնացել ՄԱԳԱՏԷ-ի վերահսկողությունից», և օր օրի իրավիճակն այնտեղ ավելի ու ավելի է լրջանում։ Euronews-ի հաղորդմամբ՝ այս մասին հայտարարել է կազմակերպության ղեկավար Ռաֆայել Գրոսսին ու դիմել Ռուսաստանի և Ուկրաինայի իշխանություններին՝ կոչ անելով փորձագետներին թույլ տալ մուտք գործել կայան՝ հնարավոր վթարից խուսափելու համար։
Գրոսսիի խոսքով՝ ԱԷԿ-ում խախտվել են միջուկային անվտանգության սկզբունքները։
«Անհրաժեշտ է հետևել մի շարք սկզբունքների և նորմերի։ Երբ մենք նայում ենք իրավիճակին, այն յուրահատուկ իրավիճակին, որ ունենք Զապորոժիեի ԱԷԿ-ում, տեսնում ենք, որ եթե ոչ բոլորը, ապա դրանց մեծ մասը խախտվում են»,- ասել է Գրոսսին։
Նրա խոսքով՝ կայանին սարքավորումների և պահեստամասերի մատակարարումներն «ընդհատվել են», ուստի ՄԱԳԱՏԷ-ն վստահ չէ, որ ռուս զինվորականների հսկողության տակ գտնվող ատոմակայանը «ստանում է անհրաժեշտ ամեն ինչ»։
Տաթև Ֆռանգյան
