22.04.2026 | 13:08
UFC-ն հաստատել է Էդմեն Շահբազյանի ու Բրենդան Ալենի մենամարտը
Բեռլինի արևմտյան հատվածում հրդեհ է բռնկվել զինամթերքի պահեստում պայթյունից հետո
Քաղաքականություն
04.08.2022 | 18:57
Բեռլինի արևմուտքում գտնվող Գրունեվալդ թաղամասում այսօր՝ օգոստոսի 4-ին պայթյուն է տեղի ունեցել պահեստում, որտեղ, ի թիվս այլ բաների, զինամթերք է պահվում։ Խոշոր հրդեհ է սկսվել, գրում է DW-ի ռուսական ծառայությունը։
Պայթյունների և թռչող բեկորների պատճառով հրշեջները դեռ չեն սկսել մարել կրակը։ Ոստիկանության ներկայացուցչի խոսքով՝ պայթյունի պատճառները պարզվում են։ Հրդեհն ընդգրկել է մեկուկես հեկտար տարածք։
Դեպքի վայրում աշխատում են 100-ից ավելի հրշեջներ և ոստիկաններ, ժամանել են նաև ոստիկանական ջրցան մեքենաներ: Գերմանիայի զինված ուժերի այլ ծառայություններից և հատուկ նշանակության ուժերից օգնության խնդրանք է ուղարկվել։
Այս պահի դրությամբ զոհեր ու վիրավորներ չկան։ Արտակարգ ծառայությունների տվյալների համաձայն՝ բնակելի շենքերին ոչինչ չի սպառնում։ Նշվում է, որ մոտակա բնակելի շենքերը միջադեպի վայրից ոչ ավելի, քան 2 կմ հեռավորության վրա են գտնվում։
Տաթև Ֆռանգյան
