22.04.2026 | 13:00
ՌԴ ԱԽ-ն հայտարարել է, թե ԵՄ-ին անդամակցելով՝ «Հայաստանը կկորցնի իր ՀՆԱ-ի 23 տոկոսը»
Պեսկովը հայտարարել է, թե Կրեմլը մտահոգված է Լեռնային Ղարաբաղում իրավիճակի սրմամբ
Քաղաքականություն
04.08.2022 | 15:10
Կրեմլը մտահոգված է Ղարաբաղում իրավիճակի սրմամբ, հետևում է դրա զարգացմանը և կողմերին զսպվածության կոչ է անում։ Այս մասին լրագրողներին ասել է ՌԴ նախագահի մամուլի քարտուղար Դմիտրի Պեսկովը, գրում է ՏԱՍՍ-ը։
«Իսկապես, մենք շատ ուշադրությամբ հետևում ենք, մենք, իհարկե, անհանգստացած ենք իրավիճակի սրման կապակցությամբ, մենք կողմերին կոչ ենք ասնում զսպվածության և գլխավորը, հայտնի եռակողմ փաստաթղթերի բոլոր դրույթների կատարմանը»,-ասել է Պեսկովը։
Հիշեցնենք, որ ՌԴ ՊՆ-ն նախօրեին իր հաղորդագրությամբ նշել էր, որ Ադրբեջանի ԶՈՒ-ն է խախտել եռակողմ հայտարարությունը ու հարձակում իրականացրել Արցախի վրա։ Ադրբեջանի ՊՆ-ն ևս ընդունել էր, որ հարձակման նախաձեռնողն է։ Պեսկովը նաև հայտնել է, որ ՌԴ նախագահ Վլադիմիր Պուտինի օրակարգում Ղարաբաղում էսկալացիայի ֆոնին Ադրբեջանի նախագահ Իլհամ Ալիևի հետ շփումներ չկան, սակայն անհրաժեշտության դեպքում դրանք կարող են արագ կազմակերպվել։
Էմմա Չոբանյան
