16.12.2025 | 23:30
Հաագայում 35 երկիր ստորագրել է Ուկրաինային փոխհատուցման համար միջազգային հանձնաժողովի ստեղծման կոնվենցիան
Կրեմլը հայտնել է, թե ինչ հարցեր են քննարկելու Պուտինն ու Էրդողանը Սոչիում վաղվա հանդիպմանը
Քաղաքականություն
04.08.2022 | 17:56
Կրեմլը հաղորդագրություն է հրապարակել վաղը՝ օգոստոսի 5-ին Թուրքիայի նախագահ Ռեջեփ Թայիփ Էրդողանի՝ Սոչի կատարելիք այցի ընթացքում քննարկվելիք հարցերի օրակարգի վերաբերյալ։
«Երկու նախագահների՝ Թեհրանում հուլիսի 19-ին կայացած հանդիպման պայմանավորվածություններին համապատասխան՝ նախատեսվում է մանրամասն քննարկել ռուս-թուրքական բազմաբնույթ համագործակցության թեմաները, այդ թվում՝ առևտրատնտեսական կապերի հետագա ընդլայնման հեռանկարներն ու էներգետիկայի ոլորտում համատեղ ռազմավարական նախագծերի իրականացման ընթացքը»,- ասվում է հաղորդագրության մեջ։
Նշվում է, որ նախագահները նաև շարունակելու են կարծիքներ փոխանակել միջազգային օրակարգի արդիական հարցերի շուրջ։
Հիշեցնենք, որ Էրդողանն օգոստոսի 5-ին մեկօրյա այց է կատարելու Սոչի։
Էմմա Չոբանյան
