22.04.2026 | 17:33
Գրոսմայստեր Արամ Հակոբյանը երրորդ տեղն է գրավել միջազգային մրցաշարում
Կրեմլը հայտարարել է, թե Ռուսաստանը պատրաստ է ուկրաինական հակամարտությունը խաղաղ ճանապարհով լուծել
Քաղաքականություն
03.08.2022 | 17:20
Կրեմլը հայտարարել է, որ Ռուսաստանը պատրաստ է ուկրաինական հակամարտությունը խաղաղ ճանապարհով լուծել, սակայն իր պայմաններով, որոնք «քաջ հայտնի են», գրում է Ինտերֆաքսը։
Լրագրողների հարցին, թե ՌԴ նախագահ Վլադիմիր Պուտինի և Գերմանիայի նախկին կանցլեր Գերհարդ Շրյոդերի զրույցի ժամանակ Մոսկվան իսկապե՞ս հայտարարել է հակամարտությունը դիվանագիտական ճանապարհով լուծելու պատրաստակամության մասին, ՌԴ նախագահի մամուլի քարտուղար Դմիտրի Պեսկովը պատասխանել է. «Այո, իսկապես Ռուսաստանը պատրաստ է լուծել ուկրաինական խնդիրը դիվանագիտական ճանապարհով՝ իր պայմաններով»։
Կրեմլի ներկայացուցիչը, միաժամանակ, նշել է, որ այդ պայմանները համաձայնեցվել են Ստամբուլում և «դրանք համաձայնեցվել են երկու կողմերի՝ Ռուսաստանի ու Ուկրաինայի բանակցողների կողմից»։
«Դրանից հետո ուկրաինական կողմը հրաժարվել է այդ համաձայնություններից ու հեռացել է բանակցությունների ուղուց»,- ասել է Պեսկովը։
Տաթև Ֆռանգյան
