22.04.2026 | 13:08
UFC-ն հաստատել է Էդմեն Շահբազյանի ու Բրենդան Ալենի մենամարտը
Ստամբուլում ավարտվել է ուկրաինական պարենով առաջին նավի զննությունը․ այն ուղևորվում է Լիբանանի Տրիպոլի նավահանգիստ․ ԼՈՒՍԱՆԿԱՐՆԵՐ
Քաղաքականություն
03.08.2022 | 16:21
Ռուսաստանի, Ուկրաինայի, Թուրքիայի և ՄԱԿ-ի ներկայացուցիչները, որոնք Ստամբուլի Համատեղ համակարգող կենտրոնի կազմում են, ավարտել են Razoni բեռնատար նավի ստուգումը՝ առաջին նավը, որը ժամանել է Օդեսայից հացահատիկային գործարքի շրջանակում, գրում է «Անադոլու» գործակալությունը։
Զննությունը տեղի է ունեցել Ստամբուլի մերձակայքում գտնվող Ռումելիֆեներ շրջանում։ Թուրքիայի ՊՆ-ն հայտնում է, որ նավը, անցնելով թուրքական նեղուցներով, նավարկելու է դեպի Լիբանանի Տրիպոլի նավահանգիստ։
Հիշեցնենք, որ օգոստոսի 1-ին Օդեսայից դուրս եկած 27,000 տոննա եգիպտացորենով բեռնված Razoni նավը Ստամբուլ է հասել նախօրեին երեկոյան։
Ծովային ճանապարհով Ուկրաինայից պարենի արտահանման շուրջ հնարավոր էր եղել համաձայնության հասնել հուլիսի 22-ին Ստամբուլում ՌԴ-ի, Թուքիայի, Ուկրաինայի և ՄԱԿ-ի ներկայացուցիչների միջև ստորագրված փաստաթղթով, ավելի ուշ աշխատանքներն է սկսել համակարգման միասնական կենտրոնը։
Էմմա Չոբանյան
