06.11.2024 | 16:23
Եվրոպական խորհրդարանում անցկացվել է «COP 29-ը Բաքվում. քողարկելով էթնիկ զտումը» խորագրով խորհրդաժողովը
Շոլցը կստուգի «Հյուսիսային հոսքի» համար նախատեսված տուրբինը
Քաղաքականություն
03.08.2022 | 12:09
Գերմանիայի կանցլեր Օլաֆ Շոլցը այսօր կայցելի Մյուլհեյմ ան դեր Ռուրում գտնվող Siemens-ի գործարան, որտեղ այս պահին գտնվում է Կանադայում ավելի վաղ վերանորոգված ռուսական «Հյուսիսային հոսք» գազատարի տուրբինը, գրում է BBC-ի ռուսական ծառայությունը։ Ինչպես հաղորդում են գերմանական լրատվամիջոցները, սպասվում է, որ Շոլցը կզննի այն և հայտարարությամբ հանդես կգա:
Ռուսական «Գազպրոմը» ավելի վաղ որպես Եվրոպա գազի մատակարարումների կրճատման հիմնական պատճառներից մեկը նշել էր տուրբինի վերադարձի ձգձգումը, այնինչ Siemens Energy-ն հայտարարել էր, որ դա դրանք փոխկապակցված չեն։ Նախօրեին ընկերությունը հայտարարել էր, որ տուրբինը պատրաստ է Ռուսաստան տեղափոխման համար։
Լրատվամիջոցները ավելի վաղ հայտնել էին, որ տուրբինը կարող է մնալ Քյոլնում, իսկ Ռուսաստան ուղարկելու ձգձգումը պայմանավորված է նրանով, որ «Գազպրոմը» պաշտոնական թույլտվություն չի տվել դրա փոխադրման համար։ Կրեմլն այս հայտարարություններն անվանել է «լիակատար անհեթեթություն»։
Տաթև Ֆռանգյան
