27.02.2026 | 23:01
Ադրբեջանում Բրիտանիայի դեսպանատունն արձագանքել է բրիտանական խորհրդարանում անցկացված Արցախի վերաբերյալ քննարկմանը
Գերմանիայում դեռահասների մոտ կապիկի ծաղիկի երկու դեպք է գրանցվել
Քաղաքականություն
02.08.2022 | 20:59
Ռոբերտ Կոխի ինստիտուտն առաջին անգամ հայտնել է Գերմանիայում դեռահասների մոտ կապիկի ծաղիկի հայտնաբերման երկու դեպքի մասին, գրում է ՌԻԱ Նովոստին։
Գերատեսչության տվյալներով, որոնք երեքշաբթի հրապարակվել է պաշտոնական կայքում, խոսքը 15 և 17 տարեկան դեռահասների մասին է։ Նրանք վարակվել են հուլիսի սկզբին, համապատասխանաբար, Շտուտգարտում և Էրֆուրտում։ Գերմանիայում դեպքերի ընդհանուր թիվը մինչ օրս կազմել է 2724 մարդ, ասված է ինստիտուտի հրապարակած տվյալներում, հիվանդության դեպքեր են հայտնաբերվել բոլոր 16 դաշնային նահանգներում։
Նախկինում հաղորդվում էր, որ հիվանդությունը փոխանցվում է հիմնականում տղամարդկանց սեռական շփման միջոցով։ Առայժմ Գերմանիայում կապիկի ծաղիկ է ախտորոշվել միայն հինգ կանանց մոտ: Այստեղ կապիկի ծաղիկի առաջին դեպքերը գրանցվել էին մայիսին։
Ռոբերտ Կոխի ինստիտուտը Գերմանիայում ընդհանուր բնակչության առողջությանը սպառնացող այս հիվանդությունից հնարավոր վտանգը գնահատում է որպես «սահմանափակ» և ուշադիր հետևում է իրավիճակի զարգացմանը։
Տաթև Ֆռանգյան
