16.09.2026 | 16:54
Քաղցրաշենի մանկապարտեզի շենքում օձ է նկատվել․ երեխաներին տարհանել են
Զախարովան հայտնել է՝ որ դեպքում ՌԴ-ն կխզի դիվանագիտական հարաբերություններն ԱՄՆ-ի հետ
Քաղաքականություն
02.08.2022 | 18:22
Վաշինգտոնի կողմից Ռուսաստանին ահաբեկչության հովանավոր պետություն ճանաչելը կհանգեցնի ԱՄՆ-ի հետ դիվանագիտական հարաբերությունների խզման։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է Ինտերֆաքսը։
«Ամերիկացի օրենսդիրներն արդեն սկսել են մշակել, իրենց կարծիքով, հզոր զենք, ինչպիսին է Մոսկվան ահաբեկչության հովանավոր ճանաչելը։ Սեփական օրենսդրության նմանօրինակ կիրառումը, որը հակասում է միջազգային իրավունքին, հնարավոր է՝ սենատորների ու կոնգրեսականների համար դիտվում է որպես սարսափելի պատիժ, որն ունակ է Ռուսաստանին ստիպել՝ ապրել ԱՄՆ-ի կողմից հորինված աշխարահակարգում»,- ասել է Զախարովան։
Նա նշել է, որ ցանկացած գործողություն ծնում է հակազդեցություն։
«Եվ նման անպատասխանատու քայլի տրամաբանական շարունակությունը կարող է լինել նաև դիվանագիտական հարաբերությունների խզումը, որից հետո Վաշինգտոնը վտանգում է վերջնականապես հատել անվերադառնալի կետը՝ դրանից բխող բոլոր հետևանքներով»,- ասել է Մարիա Զախարովան։
Էմմա Չոբանյան
