16.09.2026 | 16:20
Կոսովոյի նախկին նախագահ Հաշիմ Թաչին ռազմական հանցագործությունների համար դատապարտվել է 25 տարվա ազատազրկման
Պեսկովը պատմել է Սոչիում կայանալիք Պուտին-Էրդողան հանդիպմանը քննարկվելիք թեմաների մասին
Քաղաքականություն
02.08.2022 | 19:24
ՌԴ նախագահ Վլադիմիր Պուտինը ուրբաթ բանակցություններ է անցկացնելու իր թուրք գործընկեր Ռեջեփ Թայիփ Էրդողանի հետ, որն այցով ժամանելու է Սոչի։ Կրեմլի խոսնակ Դմիտրի Պեսկովը լրագրողների հետ զրույցում քննարկվելիք հարցերի մասին մանրամասներ է ներկայացրել, գրում է ՏԱՍՍ-ը։
«Այո, ուրբաթ տեղի կունենա Թուրքիայի նախագահ Էրդողանի աշխատանքային այցը։ Սոչիում տեղի կունենան երկու նախագահների բանակցությունները»,- ասել է Պեսկովը։
Նա նշել է, որ հանդիպմանը քննարկվելու են երկկողմ ու տարածաշրջանային հարցեր, որոնց թվում է նաև իրավիճակն Ուկրաինայում։
«Լավ հնարավորություն է՝ քննարկել ուկրաինական նավահանգիստներից հացահատիկի արտահանման մեխանիզմի աշխատանքի արդյունավետությունը, տեսնել՝ ինչքանով է այն արդյունավետ աշխատում։ Եվ, իհարկե, կարծիքներ փոխանակել միջազգային հարցերի շուրջ»,- ասել է Պեսկովը։
Հավելենք, որ Էրդողանի և Պուտինի վերջին հանդիպումը տեղի է ունեցել հուլիսի 19-ին Թեհրանում՝ Սիրիայի հարցով գագաթնաժողովի շրջանակում։
Էմմա Չոբանյան
