22.04.2026 | 10:17
Արտարժույթների փոխարժեքները՝ ապրիլի 22-ի դրությամբ
Գերմանիան Ուկրաինային մատակարարում է նորագույն զինատեսակներ, որոնք դեռ Բուդեսվերի զինանոցում չկան․ Շոլց
Քաղաքականություն
02.08.2022 | 17:50
Գերմանիան Ուկրաինային է մատակարարում իր տրամադրության տակ գտնվող բոլոր տեսակի սպառազինություններն ու ռազմական տեխնիկան, այդ թվում՝ նոր տեսակներ, որոնք դեռ Բուդեսվերի զինանոցում չկան։ Այս մասին հայտարարել է Գերմանիայի կանցլեր Օլաֆ Շոլցը, գրում է Ինտերֆաքսը։
«Մենք մատակարարել ենք այն, ինչ ունեինք՝ հակատանկային ու զենիթային համալիրներ, ականներ, զենք, տոննաներով զինամթերք»,- ասել է նա կանադական The Globe and Mail-ին տված հարցազրույցում։
Կանցլերը հայտնել է, որ ներկայում Գերմանիան անցել է «ավելի բարդ ու թանկարժեք համակարգերի» մատակարարման՝ ինքնագնաց հաուբիցներ, բազմակի արձակման հրթիռային համակարգեր, հակաօդային համակարգեր, հակամարտկոցային ռադարներ։
«Այդ համակարգերից մի քանիսն այնքան նոր են, որ դրանցից դեռ շատ քիչ է արտադրվել, իսկ որոշները նույնիսկ Բունդեսվեր չեն ներմուծվել»,- ասել է Շոլցը։
Նա նշել է, որ ուկրաինացիները Գերմանիայի մի շարք վայրերում նոր ու ավելի բարդ սարքավորումների շահագործման ուսուցում են անցնում։
«Մենք կշարունակենք այդ աջակցությունը ցուցաբերել Ուկրաինային այնքան, որքան կպահանջվի»,- ասել է Գերմանիայի կանցլերը։
Էմմա Չոբանյան
