06.11.2024 | 18:23
Թրամփի պաշտոնավարման երկրորդ ժամկետը սպառնալիք է մարդու իրավունքների համար ԱՄՆ-ում և աշխարհում․ HRW
Դոնեցկի մարզում սկսվել է բնակչության պարտադիր տարհանումը
Քաղաքականություն
02.08.2022 | 14:51
Ուկրաինայի Դոնեցկի մարզում սկսվել է բնակչության պարտադիր տարհանումը։ Այս մասին իր Telegram-ալիքում հայտնել է փոխվարչապետ, ժամանակավոր օկուպացված տարածքների վերաինտեգրման հարցերով նախարար Իրինա Վերեշչուկը, փոխանցում է Ukrinform-ը։
«Դոնեցկի շրջանից հարկադիր տարհանում է սկսվել։ Առաջին գնացքը երեքշաբթի առավոտյան ժամանել է Կրոպիվնիցկի: Կանայք, երեխաներ, տարեցներ՝ բոլորին դիմավորել են, տեղավորել, բոլորին օգնել են»,- նշել է նա։
Վերեշչուկը շնորհակալություն է հայտնել տեղական ծառայություններին, միջազգային կազմակերպություններին և կամավորներին, ինչպես նաև անձամբ Կիրովոգրադի մարզի ղեկավար Անդրեյ Ռայկովիչին և նրա թիմին։
Հուլիսի 29-ին Ուկրաինայի նախարարների կաբինետը ստեղծել է Համակարգող շտաբ, որը կկազմակերպի Դոնեցկի շրջանից մարդկանց տարհանումը։ Այն ղեկավարում է Վերեշչուկը։ Շտաբում ընդգրկված էին նախարարությունների, ուժային կառույցների և ռազմական գերատեսչությունների ներկայացուցիչներ։
Մինչև ջեռուցման սեզոնի սկիզբը սպասվում է Ուկրաինայի կողմից վերահսկվող շրջանների բնակիչների տարհանում։
Տաթև Ֆռանգյան
