16.09.2026 | 17:43
ՍԴ-ն հրապարակել է TRIPP-ի հարցով որոշումը
ԱՄՆ փոխպետքարտուղարը վերահաստատել է տրանսպորտային և հաղորդակցության ուղիների բացմանն աջակցելու Վաշինգտոնի առաջարկը
Քաղաքականություն
02.08.2022 | 10:56
Արդեն հայտնել էինք, որ օգոստոսի 1-ին ՀՀ ԱԳ նախարար Արարատ Միրզոյանը հեռախոսազրույց է ունեցել ԱՄՆ պետքարտուղարի եվրոպական և եվրասիական հարցերով տեղակալ Քերըն Դոնֆրիդի հետ:
Այսօր ՀՀ-ում ԱՄՆ դեսպանությունն ևս հաղորդագրություն է տարածել երեկ տեղի ունեցած հեռախոսազրույցի կապակցությամբ։
«ԱՄՆ փոխպետքարտուղար Դոնֆրիդը երեկ հեռախոսազրույց է ունեցել Հայաստանի արտաքին գործերի նախարար Միրզոյանի և Ադրբեջանի արտաքին գործերի նախարար Բայրամովի հետ։
Նրանք քննարկել են տարածաշրջանում խաղաղություն հաստատելու հարցում Հայաստանին և Ադրբեջանին ընձեռված պատմական հնարավորությունը։
Փոխպետքարտուղարը վերահաստատել է տարածաշրջանային տրանսպորտային և հաղորդակցության ուղիների բացմանն աջակցելու Միացյալ Նահանգների առաջարկը: Նա կողմերին կոչ է արել թուլացնել սահմանների լարվածությունն ու խրախուսել երկխոսության շարունակումը»,- ասված է հաղորդագրությունում։
Հիշեցնենք, որ ՀՀ ԱԳՆ տեղեկացմամբ էլ հեռախոսազրույցի ընթացքում մտքեր են փոխանակվել տարածաշրջանում առկա անվտանգային միջավայրի վերաբերյալ։ Քննարկվել են Հայաստանի և Ադրբեջանի միջև հարաբերությունների կարգավորմանը, Լեռնային Ղարաբաղի հակամարտությանը վերաբերող հարցեր: Անդրադառնալով 44-օրյա պատերազմի հետևանքով ծագած հումանիտար խնդիրների լուծմանը՝ կողմերն ընդգծել են հայ ռազմագերիների և այլ պահվող անձանց շուտափույթ ազատ արձակման անհրաժեշտությունը:
