13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Ջո Բայդենը հայտարարել է, որ ԱՄՆ-ը Իրանի միջուկային գործարքին փոխադարձ վերադարձի ծրագիր է մշակել
Քաղաքականություն
01.08.2022 | 19:44
Սպիտակ տան կայքում հրապարակված ԱՄՆ նախագահ Ջո Բայդենի հայտարարության մեջ, որը նվիրված է Միջուկային զենքի չտարածման համաձայնագրի մասին համաժողովին, անդրադարձ է կա նաև Իրանի միջուկային ծրագրին։
Մասնավորապես, նշվում է, որ ԱՄՆ-ը ծրագիր է մշակել, որով Իրանը չի վերադառնա միջուկային զենքի ստեղծմանը։
«Դիվանագիտության միջոցով համաձայնեցնելով մեր դաշնակիցների ու տարածաշրջանային գործընկերների հետ՝ մենք մշակել ենք առաջարկ՝ ապահովելու փոխադարձ վերադարձ Գործողությունների համատեղ համապարփակ ծրագրի ամբողջական իրականացմանը, երաշխավորելու, որ Իրանը միջուկային զենք ձեռք չի բերի»,- ասվում է հայտարարության մեջ։
Գործողությունների համատեղ համապարփակ ծրագիրը (ԳՀՀԾ) քաղաքական համաձայնագիր է, որը ստորագրվել է 2015 թվականի հուլիսի 15-ին Իրանի և մի խումբ պետությունների միջև՝ Իրանի միջուկային ծրագրի վերաբերյալ։ Խումբը բաղկացած է ԱՄՆ-ից, Ռուսաստանից, ՉԺՀ-ից, Մեծ Բրիտանիայից, Ֆրանսիայից՝ ՄԱԿ-ի Անվտանգության խորհրդի հինգ մշտական անդամներից, ինչպես նաև Գերմանիայից։
Էմմա Չոբանյան
