26.11.2024 | 12:49
NYMEX. Թանկարժեք մետաղների գները նվազել են
ԱՄՆ Կալիֆոռնիա նահանգում անտառային խոշոր հրդեհներ են մոլեգնում
Քաղաքականություն
01.08.2022 | 20:20
ԱՄՆ Կալիֆոռնիա նահանգում անտառային խոշոր հրդեհներ են մոլեգնում. դրանք զբաղեցրել են ավելի քան 20․000 հեկտար տարածք։ Այս մասին հայտնում է Fox News-ը։
Նշվում է, որ ուժեղ քամին և ամպրոպը նպաստել են կրակի տարածմանը հյուսիսային Կալիֆոռնիայում, իսկ McKinney հրդեհն ամենամեծն է եղել նահանգում այս տարի։ Կալիֆոռնիայի նահանգապետ Քևին Նյուսոմը տարածաշրջանում արտակարգ դրություն է հայտարարել։
Հրդեհի պատճառով Սիսքիա կոմսությունում ավելի քան 500 բնակիչ լքել է տները: Տեղական իշխանությունները կոչ են արել տարհանել նաև Իրեկա և Ֆորտ Ջոնս քաղաքների բնակիչներին:
ԱՄՆ Անտառային ծառայությունը փակել է Էթնա լեռից դեպի հարավային Օրեգոնում գտնվող Էշլենդ լեռան վրա գտնվող ճամբար տանող ճանապարհի 177 կիլոմետրանոց հատվածը: Pacific Crest Trail Association-ը արշավականներին հորդորել է հասնել մոտակա քաղաք:
Տաթև Ֆռանգյան
