26.11.2024 | 12:57
Խնջույք ֆիննախի համար՝ նախարարի առանձնատանը գործող «Վարդենի» հյուրատանը. ՓՊ-ն՝ FactorTV-ի հոդվածի հետքերով. ՏԵՍԱՆՅՈՒԹ
Աշխարհի 9 երկրի միջուկային զինանոցը կազմում է շուրջ 13,000 մարտագլխիկ․ զեկույց
Քաղաքականություն
01.08.2022 | 18:22
Աշխարհի 9 երկրի միջուկային զինանոցը, 2022 թվականի սկզբի դրությամբ, կազմել է 12,7 հազար մարտագլխիկ։ Այս մասին ասվում է Ամերիկացի գիտնականների ֆեդերացիայի նոր հետազոտության մեջ, գրում է Ինտերֆաքսը։
«Չնայած «Սառը պատերազմից» ի վեր միջուկային զինանոցների նվազմանը՝ աշխարհում միջուկային մարտագլխիկների պաշարը մնում է շատ բարձր մակարդակի վրա։ 9 երկիր տիրապետում է 12,700 մարտագլխիկների 2022 թվականի սկզբի դրությամբ»,- ասվում է զեկույցում։
Նշվում է, որ բոլոր միջուկային մարտագլխիկների մոտավորապես 90 տոկոսը պատկանում է Ռուսաստանին և ԱՄՆ-ին, որոնցից յուրաքանչյուրն ունի ավելի քան հինգ հազար միջուկային զենք։
Ներառյալ տեղակայված, պահեստավորված և ոչնչացման սպասող միջուկային մարտագլխիկները՝ ինը երկրներ տիրապետում են հետևյալ քանակությամբ զենքի․ Ռուսաստան՝ 5977 մարտագլխիկ, ԱՄՆ՝ 5428, Չինաստան՝ 350, Ֆրանսիա՝ 290, Մեծ Բրիտանիա՝ 225, Պակիստան՝ 165, Հնդկաստան՝ 160, Իսրայել՝ 90, Հյուսիսային Կորեա՝ 20։
Զեկույցում ասվում է, որ պատմական համատեքստում աշխարհում միջուկային զենքը «Սառը պատերազմից» ի վեր նվազել է՝ 1986 թվականի մոտ 70,300 մարտագլխիկից 2021 թվականին հասնելով մոտ 13,000-ի։
Էմմա Չոբանյան
