22.04.2026 | 11:36
Թրամփը հայտարարել է, թե Հորմուզի նեղուցի շրջափակման վերացումը վերջ կդնի գործարքի հնարավորություններին
Կոսովոյում ՆԱՏՕ-ի առաքելությունը հայտարարել է սահմանային հակամարտությանը միջամտելու պատրաստակամության մասին
Քաղաքականություն
01.08.2022 | 10:52
ՆԱՏՕ-ի գլխավորած միջազգային ուժերը (KFOR), որոնք պատասխանատու են ինքնահռչակ Կոսովոյում անվտանգության ապահովման համար, Կոսովոյի կայունությանը սպառնացող վտանգի դեպքում պատրաստ են միջամտել Բելգրադի և Պրիշտինայի միջև սահմանային հակամարտության , ասվում է կազմակերպության Twitter-ում տարածած հայտարարության մեջ։
Կազմակերպությունն ընդգծել է, որ անվտանգային իրավիճակը Կոսովոյի հյուսիսի մունիցիպալիտետներում շարունակում է լարված մնալ, սակայն KFOR-ը մշտապես վերահսկում է իրավիճակը և պատրաստ է միջամտել 1999 թվականի ՄԱԿ-ի 1244 բանաձեւի շրջանակներում։
«ՆԱՏՕ-ի գլխավորած KFOR-ի մեր առաքելությունը լիովին կենտրոնացած է ՄԱԿ-ի իր մանդատի ամենօրյա իրականացման վրա՝ ապահովելու անվտանգ միջավայր և ազատ տեղաշարժ Կոսովոյի ողջ բնակչության համար», – ասվում է հայտարարության մեջ:
Հուլիսի 31-ի երեկոյան Կոսովսկա Միտրովիցայի հյուսիսային հատվածում հնչել են տագնապի ազդանշաններ։ Սահմանի երկու կողմից սահմանային անցակետերում մարդիկ են սկսել հավաքվել, կրակոցներ են հնչել։ Սերբիայի նախագահ Ալեքսանդր Վուչիչը հայտարարել էր, որ Կոսովոն պատրաստվում է կեսգիշերին մոտ գործողություններ սկսել Կոսովոյի սերբերի դեմ։
Տաթև Ֆռանգյան
