16.12.2025 | 11:24
ՀԿԿ նախագահը մասնակցում է ՄԱԿ-ի Կոռուպցիայի դեմ կոնվենցիայի մասնակից պետությունների 11-րդ համաժողովին
Նախագահ Խաչատուրյանը ցավակցական հեռագիր է հղել Վրաստանի նախագահին
Քաղաքականություն
30.07.2022 | 19:23
Հանրապետության նախագահ Վահագն Խաչատուրյանը ցավակցական հեռագիր է հղել Վրաստանի նախագահ Սալոմե Զուրաբիշվիլիին Գուդաուրիի շրջանում տեղի ունեցած ուղղաթիռի վթարի կապակցությամբ, որի հետևանքով կան մարդկային զոհեր, տեղեկացնում են նախագահի աշխատակազմից։
«Այս օրը, երբ ողջ եղբայրական Վրաստանը սգում է, ընդունեք իմ և ողջ հայ ժողովրդի խորին ցավակցությունները։
Խնդրում ենք մեր անկեղծ ցավակցությունն ու վիշտը փոխանցել զոհված բժիշկների, փրկարարների և օդաչուների ընտանիքներին, հարազատներին և ծառայակիցներին։ Նրանք զոհվեցին՝ կատարելով իրենց մարդասիրական պարտքը։
Վստահ եղեք, հայ ժողովուրդը միշտ ձեր կողքին է և կիսում է եղբայրական վրաց ժողովրդի կորստի դառնությունը»,- մասնավորապես ասվում է հեռագրում:
