22.04.2026 | 21:16
Ըմբշամարտի ԵԱ․ Սլավիկ Գալստյանը և Գասպար Տերտերյան՝ բրոնզե մեդալակիրներ. ՏԵՍԱՆՅՈՒԹ
Հունաստանի ԱԳ նախարարը Գերմանիային հորդորել է դադարեցնել Թուրքիային սուզանավերի վաճառքը
Քաղաքականություն
29.07.2022 | 23:43
Գերմանիայի ԱԳ նախարար Աննալենա Բաերբոքի հետ հանդիպմանը Հունաստանի ԱԳ նախարար Նիկոս Դենդիասը բարձրացրել է Երկրորդ Համաշխարհային պատերազմում նացիստական օկուպացիայի համար գերմանական փոխհատուցումների, ինչպես նաև Աթենքի մտահոգությունների թեման գերմանական արտադրության սուզանավերի Թուրքիա արտահանման վերաբերյալ, գրում է Greek City Times-ը։
Դենդիասը նշել է Աթենքի մտահոգությունները Թուրքիա գերմանական սպառազինությունների, հատկապես՝ սուզնավերի մատակարարման առնչությամբ ասելով, որ Հունաստանի դիրքորոշումը հստակ է․ «Այս սուզանավերը կարող են փոխել ուժերի հավասարակշռությունը»,-ասել է Հունաստանի ԱԳ նախարարը։
Նա նշել է, որ որ թեև Հունաստանն ունի նույն սուզանավերից, սակայն դրանք չեն սպառնում իր հարևաններին: Դենդիասը նաև ասել է, որ Թուրքիան, չնայած ՆԱՏՕ-ի անդամ լինելուն, բացահայտորեն սպառնում է Հունաստանին պատերազմով, անընդհատ ոտնահարում է նրա ինքնիշխանությունն ու ինքնիշխան իրավունքները, ինչպես նաև անօրինական կերպով օկուպացնում է ԵՄ անդամ երկրի՝ Կիպրոսի տարածքը։ «Էգեյան կզղիները Հունաստանի տարածք են, և ոչ ոք իրավունք չունի դա վիճարկել»,- իր հերթին ասել է Գերմանիայի ԱԳ նախարար Բաերբոքը՝ հավելելով․«Իմ կառավարությունը թույլ չի տա, որ որևէ կասկած առաջանա, այդ հարցում մենք համերաշխ ենք»։
Էմմա Չոբանյան
