08.06.2026 | 10:50
Ֆլորենտինո Պերեսը վերընտրվել է «Ռեալի» նախագահի պաշտոնում․ ՏԵՍԱՆՅՈՒԹ
Կիմ Չեն Ընը նախազգուշացրել է, որ իր երկիրը «լիովին պատրաստ է» ԱՄՆ-ի հետ ցանկացած ռազմական հակամարտության
Քաղաքականություն
28.07.2022 | 22:12
Հյուսիսային Կորեայի առաջնորդ Կիմ Չեն Ընը չորեքշաբթի ուշ երեկոյան նախազգուշացրել է, որ իր երկիրը «լիովին պատրաստ է» Միացյալ Նահանգների հետ ցանկացած ռազմական հակամարտության: Այս մասին հինգշաբթի հաղորդել են հյուսիսկորեական պետական լրատվամիջոցները, գրում է VOA-ն:
Նախազգուշացումը Փհենյանի վերջին սպառնալիքն է այն ենթադրությունների ֆոնին, որ նա շուտով կկատարի իր յոթերորդ միջուկային փորձարկումը:
Կորեական պատերազմի ավարտի տարեդարձին նվիրված ելույթում Կիմը նաև նախազգուշացրել է, որ Հարավային Կորեայի կառավարությունը կկործանվի, եթե այն կատարի որևէ «վտանգավոր փորձ»:
Հարավային Կորեայի նախագահ Յուն Սուկ Յոլը, որը մայիսին ստանձնել է պաշտոնը, բազմիցս խոսել է կանխարգելիչ հարվածների հնարավորության մասին, ներառյալ Հյուսիսային Կորեայի բարձրաստիճան ղեկավարությանը, եթե Հարավային Կորեան հայտնաբերի մոտալուտ հարձակման նշաններ:
Տաթև Ֆռանգյան
