15.12.2025 | 21:13
Ալիևը համաներում է նախաձեռնում. այն կվերաբերի ավելի քան 20,000 մարդու
Հյուսիսային Կորեան սպառնում է չեղարկել Դոնալդ Թրամփի և Կիմ Չեն Ընի հանդիպումը
Քաղաքականություն
16.05.2018 | 11:55
USA Today-ը տեղեկացնում է, որ Հյուսիսային Կորեայի արտաքին քաղաքական գերատեսչության ղեկավարի առաջին տեղակալ Կիմ Գե Գվանը հայտարարություն է արել, որ պաշտոնական Փհենյանը հնարավոր է վերանայի իր համաձայնությունը՝ մասնակցելու Հյուսիսային Կորեա-Միացյալ Նահանգներ բարձրագույն մակարդակով պատմական հանդիպմանը, քանի որ Հյուսիսային Կորեան չի ցանկանում բանակցություններ վարել մի երկրի հետ, որը, իր կարծիքով, միակողմանի կերպով պահանջում է հրաժարվել միջուկային զենքից:
Պաշտոնյան նշում է, որ իրենց չեն հետաքրքրում բանակցությունները, որոնք Հյուսիսային Կորեային անկյուն քշելու ու միակողմանի կերպով միջուկային զինամթերքներից հրաժարվելու նպատակ են հետապնդում։
Հիշեցնենք, որ Դոնալդ Թրամփի և Կիմ Չեն Ընի հանդիպումը նախատեսված է անցկացնել հունիսի 12-ին՝ Սինգապուրում: Հյուսիսային Կորեայի անհանգստությունը կապված է Հարավային Կորեայի և Միացյալ Նահանգների՝ ապրիլի 15-ից համատեղ անցկացվող զորավարժությունների հետ:
ԱՄՆ պետդեպարտամենտը, ի պատասխան այս լուրերին, հայտարարել է, որ Կիմ Չեն Ընի և Դոնալդ Թրամփի հանդիպման չեղարկման մասին որևէ ծանուցում չեն ստացել:
