22.04.2026 | 16:00
ՀՀ դպրոցականները մեդալներ են նվաճել ինֆորմատիկայի միջազգային օլիմպիադայում
Պենտագոնը գրասենյակ է ստեղծում՝ տիեզերքում ՉԹՕ-ներին հետևելու համար
Քաղաքականություն
22.07.2022 | 23:16
ԱՄՆ Պաշտպանության նախարարությունը ստեղծել է գրասենյակ՝ տիեզերքում և օդում, ստորջրյա կամ նույնիսկ այդ տիրույթների միջև շարժվող անհայտ օբյեկտներին հետևելու համար: Այս մասին հայտնում է Space.com-ը։
ՉԹՕ-ները կամ չբացահայտված օդային երևույթները, ինչպես այժմ դրանց անվանում են, ստացել են կառավարական վերահսկողության նոր մակարդակներ, որոնք երբևէ չեն եղել տասնամյակներ շարունակ։ Բազմաթիվ լսումներ և գաղտնի ճեպազրույցներ են տեղի ունեցել ԱՄՆ Կոնգրեսի դահլիճներում վերջին ամիսներին, և շատ օրենսդիրներ մտահոգություն են հայտնել, որ Ամերիկայի օդային տարածքը կարող է այնքան անվտանգ չլինել, որքան մենք կարծում ենք՝ ռազմական ավիատորների և այլ զինվորականների կողմից անհայտ օբյեկտների բազմաթիվ անգամ նկատել պատճառով:
Հաշվի առնելով սա՝ պաշտպանության նախարարությունը հայտարարել է նոր գրասենյակ ստեղծելու մասին։ Այն կկոչվի Բոլոր ոլորտներում անոմալիաների լուծման գրասենյակ: Նոր գրասենյակը կգլխավորի Շոն Քըրքպատրիկը, ով նախկինում աշխատել է ԱՄՆ պաշտպանության նախարարության տիեզերական և հրթիռային հետախուզության կենտրոնում որպես գլխավոր գիտնական:
Հիշեցնենք, որ ավելի վաղ հաղորդվել էր, որ ՉԹՕ-ի սպառնալիքը քննարկվել է ԱՄՆ Կոնգրեսում։ Վերջին 20 տարիների ընթացքում, երկնքում գրանցվել է ՉԹՕ-ների աճ:
Տաթև Ֆռանգյան
