22.04.2026 | 13:08
UFC-ն հաստատել է Էդմեն Շահբազյանի ու Բրենդան Ալենի մենամարտը
Ռուսաստանի իշխանությունները որոշել են փակել «Սոխնուտ» հրեական գործակալությունը
Քաղաքականություն
21.07.2022 | 22:38
Ռուսաստանի արդարադատության նախարարությունը խնդրում է լուծարել երկրում գործող «Սոխնուտ» հրեական գործակալությունը, որն օգնություն է ցուցաբերում Իսրայել հայրենադարձության հարցում։
Ինչպես հաղորդում է BBC-ի ռուսական ծառայությունը՝ հղում անելով Մոսկվայի Բասմանի դատարանին, նման հայց է ներկայացրել Արդարադատության նախարարության Մոսկվայի վարչությունը։
Գերատեսչությունը խնդրել է իրավաբանական անձանց միասնական պետական ռեգիստրից հանել «հրեական սփյուռքի հետ հարաբերությունների պահպանման համար» ստեղծված հրեական «Սոխնուտ» ոչ առևտրային կազմակերպությանը։ Արդարադատության նախարարության հայցերը կապված են գործակալության կողմից «իր գործունեության ընթացքում» օրենքի խախտման հետ», – ասել է դատարանի մամուլի քարտուղար Եկատերինա Բուրավցովան։
Նա հավելել է, որ հայցի վերաբերյալ դատական նիստը դատավորը նշանակել է հուլիսի 28-ին։
Հուլիսի սկզբին իսրայելական Jerusalem Post թերթը գրել էր, որ ՌԴ արդարադատության նախարարությունը գործակալությունը նամակ է ուղարկել՝ պահանջելով դադարեցնել բոլոր գործողությունները երկրում։ «Սոխնուտը» հաստատել է նամակի ստացումը` նշելով, որ իրենք «երբեմն ստիպված են լինում որոշակի ճշգրտումներ իրականացնել (Ռուսաստանի) իշխանությունների խնդրանքով»։
Տաթև Ֆռանգյան
