16.12.2025 | 10:41
ՀՀ մարզերում ապօրինի ջրօգտագործումներ են կասեցվել. ԲԸՏՄ
Հայաստանի պատվիրակությունն այցելել է Հնդկաստան՝ զենքի գնումների նպատակով․հնդկական ԶԼՄ
Քաղաքականություն
21.07.2022 | 19:11
ՀՀ պաշտպանական պատվիրակություն է այցելել Հնդկաստան զենքի գնումների նպատակով, այս մասին հայտնում է The Sentinel լրատվականը։ ԶԼՄ-ն գրում է, որ վերջերս՝ հունիսին ՀՀ պաշտպանության պատվիրակությունն այցելել է Հնդկաստան՝ հանդիպելով այստեղ գտնվող իրենց գործընկերների հետ։ Հայկական պատվիրակությունը գնացել է զենքի գնումների ցուցակով։
«Բովանդակության մասին քիչ բան է հայտնի, հաստատվել է, որ անօդաչուները ցուցակում կարևոր տեղ են զբաղեցնում։ Բայց ոչ միայն անօդաչուները»,- գրում է լրատվամիջոցը՝ հղում անելով իր պաշտոնական աղբյուրին։
Սա առաջին անգամը չէ, որ Հայաստանը հետաքրքրություն է ցուցաբերում հնդկական ռազմական տեխնիկայի նկատմամբ: Դեռ 2020թ-ին Հնդկաստանի հետ գործարք էր կնքվել 40 մլն դոլար արժողությամբ տեղական արտադրության զենքի տեղորոշման չորս SWATHI ռադարների մատակարարման համար։
Անանուն հայ պաշտոնյան էր լրատվականին ասել է, որ Արցախյան պատերազմը ստիպել է վերանայել պաշտպանության կարիքները։
Լրատվականը գրում է, որ Հայաստանը բազմամոդալ առևտրային ուղիների կարևոր մաս է, իսկ «Հյուսիս-Հարավ» ճանապարհային միջանցքը մշակվում է ՝ նավահագնիստները Հայաստանի և Վրաստանի տարածքով հետագայում Եվրոպային միացնելու համար։ Անցյալ տարի հոկտեմբերին Երևան կատարած այցի ժամանակ Հնդկաստանի արտաքին գործերի նախարար Ս. Ջայշանքարը խոստացավ իր աջակցությունը միջանցքին։
«Հետևաբար, Հնդկաստանը պետք է օգտվի հնարավորությունից՝ ներդրումներ ուղղելու երկիր, ինչը կօգնի ինչպես զարգացնել միջանցքը, որը ներկայումս ֆինանսավորվում է նաև Ասիական զարգացման բանկի կողմից։ Դա կվերակենդանացնի Հայաստանի թուլացող տնտեսությունը»,-ասվում է հրապարակման մեջ։
Նշվում է, որ Չինաստանը մեծացնում է իր ներկայությունը Հայաստանում, սակայն հնդկական «փափուկ ուժը» Բոլիվուդի, հնդկական խոհանոցի և Հնդկաստանում դարավոր հայկական սփյուռքի միջոցով ունեն առավելություններ։
«Պաշտպանության, առևտրի և ներդրումների հետ միասին Հայաստանը կարող է դառնալ Հնդկաստանի համար ռազմավարական նշանակության գործընկեր, որտեղ Հնդկաստանը կարող է բազաներ տեղակայել, առևտրային ու պաշտպանական հանգույցներ ստեղծել համատեղ արտադրության ու հնդկական արտահանման համար»,-գրում է լրատվամիջոցը։
Էմմա Չոբանյան
