14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Թուրքիան չի կարող ձեռքերը ծալած նստել Սիրիայում տեղի ունեցողի ֆոնին․ Չավուշօղլուն՝ Սիրիայում ռազմական գործողություն սկսելու մասին
Քաղաքականություն
21.07.2022 | 22:14
Թուրքիան չի կարող ձեռքերը ծալած նստել Սիրիայում տեղի ունեցող իրադարձությունների ֆոնին։ Այս մասին հայտարարել է Թուրքիայի ԱԳ նախարար Մևլութ Չավուշօղլուն՝ մեկնաբանելով Սիրիայում նոր ռազմական գործողության հավանականությունը, գրում է Անադոլու գործակալությունը։
«Անկարան չի դիմել նախորդ գործողությունների սկսման թույլտվության համար, և չի անի նաև ապագայում»,-ասել է Չավուշօղլուն TRT Haber-ին տված հարցազրույցում։
Բացի այդ, նա նաև նշել է, որ Թուրքիան իբր կապ չունի նախօրեին Իրաքյան Քուրդիստանում հրետանային հարձակման հետ, որի հետևանքով զոհվել է 9-ը, վիրավորվել՝ առնվազն 23 մարդ։
Թուրքական դիվանագիտության ղեկավարը կոչ է արել Իրաքի բնակչությանն ու իշխանություններին չտրվել «ահաբեկիչների քարոզչության հնարքներին, որոնք փորձում են նսեմացնել թուրքական բանակը»։ Չավուշօղլուն ասել է, որ հարձակման հետևում կանգնած են «PKK-ի ահաբեկիչները»։
Հավելենք, որ նախօրեին էլ Թուրքիայի նախագահ Ռեջեփ Թայիփ Էրդողանը հայտարարել էր, որ Սիրիայի հյուսիսում նոր ռազմական գործողության անցկացման հարցը կմնա Անկարայի օրակարգում այնքան ժամանակ, քանի դեռ կպահպանվի Թուրքիայի ազգային անվտանգության սպառնալիքը։ Նա նշել է, որ այդ հարցում Թուրքիան ակնկալում է Իրանի ու ՌԴ-ի աջակցությունը։
Էմմա Չոբանյան
