28.07.2026 | 10:30
Պեսկովը հայտարարել է, որ Պուտինը Փաշինյանին հիշեցրել է ԵՄ-ի հարցով Հայաստանում հանրաքվեի անհրաժեշտության մասին
Էրդողանը «հացահատիկային միջանցքի» ծրագրի շուտափույթ իրականացման հույս է հայտնել
Քաղաքականություն
21.07.2022 | 11:11
Թուրքիայի նախագահ Ռեջեփ Թայիփ Էրդողանը հույս է հայտնել, որ առաջիկա օրերին Սև ծովում «հացահատիկային միջանցքի» ծրագիրը կյանքի կկոչվի։ Այս մասին Թուրքիայի նախագահն ասել է լրագրողների հետ զրույցում, որոնք նրան ուղեկցել են Թեհրան այցի ընթացքում,գրում է Անադոլու գործակալությունը։
Նա նշել է, որ Թուրքիան կողմ է արդեն իսկ այս շաբաթ հարցի շուրջ գրավոր համաձայնագիր կնքելուն։
Էրդողանը նաև ուշադրություն է հրավիրել ՌԴ նախագահ Վլադիմիր Պուտինի հետ նախօրեին կայացած հանդիպման արդյունքներին։
«Պուտինը դրական է մոտենում Թուրքիայի ջանքերին։ Նա Անակարայի հետ կապված առանձին նախաձեռնություններ է հնչեցրել։ Մեր երկխոսությունը բնական գազի, «Աքքույու» ԱԷԿ-ի ու այլ ոլորտների հետ կապված շարունակվում է»,-ասել է Էրդողանը։
Հավելենք, որ ուկրաինական հացահատիկի հարցով նախորդ հանդիպումը տեղի էր ունեցել անցյալ շաբաթ Ստամբուլում Թուրքիայի, ՌԴ-ի, Ուկրաինայի ու ՄԱԿ-ի ներկայացուցիչների միջև։
Էմմա Չոբանյան
