06.11.2024 | 18:32
Հայաստանի արտաքին առևտրաշրջանառությունը հունվար-սեպտեմբերին կազմել է ավելի քան 23 մլրդ դոլար
Siemens տուրբինը, որը դարձել էր ռուսական գազի մատակարարումների կրճատման պատճառ, Կանադայից ուղարկվել է Գերմանիա և շուտով կհասնի ՌԴ․ ԶԼՄ-ներ
Քաղաքականություն
18.07.2022 | 23:10
«Հյուսիսային հոսք» գազատարի «Պորտովայա» կայանի Siemens տուրբինը Կանադայի վերանորոգման արտադրամասից ինքնաթիռով ուղարկվել է Գերմանիա և Ռուսաստան կժամանի հուլիսի 24-ին, հայտնում է Կոմերսանտը՝ վկայակոչելով իր աղբյուրներին, գրում է BBC-ի ռուսական ծառայությունը։
Նշվում է, որ տուրբինը լաստանավով ու ցամաքային ճանապարհով Հելսինկիից Ռուսաստան է տեղափոխվելու։ Սպասվում է, որ այն ՌԴ է ժամանելու հուլիսի 24-ին։ Տուրբինը պատժամիջոցների պատճառով մնացել էր Կանադայում։ «Գազպրոմը» սա օգտագործեց որպես պատրվակ՝ կտրուկ կրճատելու գազի մատակարարումները Եվրոպա: Եվրոպական իշխանությունները, սակայն դա համոզիչ հիմք չեն համարում «Հյուսիսային հոսք» գազատարով մատակարարումները մինչև 40 տոկոսով կրճատելու համար։
Կանադան էլ գերմանական իշխանությունների հետ բանակցություններից հետո համաձայնեց տուրբինը վերադարձնել՝ Գերմանիային չնայած պատժամիջոցներին, որտեղից էլ այն պետք է Ռուսաստան տեղափոխվի։
Միաժամանակ, «Գազպրոմն դեռ չի հաստատել, որ կավելացնի գազի մատակարարումները տուրբինը ստանալուց հետո։ Հաղորդվում է նաև, որ «Գազպրոմը» Siemens-ից սպասում է մնացած տուրբինների անվտանգ տեղափոխման և վերանորոգման հնարավորության գրավոր երաշխիք։
Էմմա Չոբանյան
