17.12.2025 | 19:29
«Սևան ստարտափ սամմիթ»-ի հիմնադիրը ՀՀ նախագահին է ներկայացրել նոր սմարթ քաղաքի կառուցման հայեցակարգի վերաբերյալ իր տեսլականը
ԱՄՆ-ի կողմից Թուրքիային F-16-երի վաճառքն արգելող փոփոխությունը ներառվել է Ազգային անվտանգության հատկացումների ակտում
Քաղաքականություն
13.07.2022 | 22:08
ԱՄՆ Ներկայացուցիչների պալատի կանոնակարգի հանձնաժողովը քվեարկել է դեմոկրատ Քրիս Պապպասի փոփոխության օգտին Ազգային անվտանգության հատկացումների ակտում կամ NDAA-ում 2023թ․ ֆինանսական տարվա համար, որը արգելում է F-16-ների կամ արդիականացման սարքավորումների վաճառքը Թուրքիային որոշակի պայմանների չկատարման դեպքում, գրում է ekathimerini-ին։
Փոփոխությունը պահանջում է ԱՄՆ նախագահից հաստատել, որ «նման փոխանցումը բխում է Միացյալ Նահանգների ազգային շահերից» և պահանջում է «կոնկրետ քայլեր ձեռնարկել՝ ապահովելու համար, որ նման F-16-ները Թուրքիայի կողմից չօգտագործվեն Հունաստանի տարածքով չթույլատրված թռիչքների համար»։
Այս փոփոխությունը, սակայն, նախագահի համար պատուհան է բաց թողնում, որը թույլ է տալիս սահմանափակումները անտեսել, եթե նա Կոնգրեսին հավաստիացնի, որ դա կենսական է ԱՄՆ ազգային անվտանգության շահերի համար։ Այս դեպքում նախագահը պետք է ներկայացնի միջոցառումները, որոնք ձեռնարկվելու են թույլ չտալու, որ ԱՄՆ զենքերը օգտագործվեն ՆԱՏՕ-ի մեկ այլ անդամի ինքնիշխանությունը խախտելու համար։
Հիշեցնենք, որ Մադրիդում կայացած ՆԱՏՕ-ի գագաթնաժողովում ԱՄՆ նախագահ Ջո Բայդենը հայտարարել էր, որ Վաշինգտոնն աջակցում է Թուրքիային F-16 կործանիչների վաճառքին և վստահ է, որ կարող է ստանալ Կոնգրեսի համաձայնությունը, որն անհրաժեշտ է վաճառքի համար։
Էմմա Չոբանյան
