15.09.2026 | 20:44
Շախմատի Համաշխարհային օլիմպիադա. Հայաստանի հավաքականը 10-րդն է վարկանիշով
Ներքին գործերի նախարարություն ստեղծելով՝ կառույցն ավելի վերահսկելի կդարձնենք, կնպաստենք թափանցիկության ավելացմանը․ Ա․ Քոչարյան․ ՏԵՍԱՆՅՈՒԹ
Քաղաքականություն
12.07.2022 | 11:31
«Ներքին գործերի նախարարությունը վերականգնելով՝ մենք միանգամից կլուծենք մի քանի կարևոր խնդիրներ»,- ԱԺ պաշտպանության և անվտանգության հարցերի մշտական հանձնաժողովի նախաձեռնած խորհրդարանական լսումների ժամանակ ասաց հանձնաժողովի նախագահ Անդրանիկ Քոչարյանը:
Նրա խոսքով՝ կսահմանվեն ՆԳ նախարարության հստակ գործառույթները, կներդրվի կադրային պատրաստման նոր համակարգ: ՆԳՆ-ը փաստորեն կդառնա ոլորտային ներքին քաղաքականություն մշակող մարմին:
«Ուժային կառույցների նկատմամբ ժողովրդավարական վերահսկողություն իրականացնելը խորհրդարանական կառավարման մոդելով առաջնորդվող երկրների կարևոր սկզբունքներից մեկն է, իսկ ՆԳՆ ստեղծման ճանապարհով մենք ոչ միայն կառույցն ավելի վերահսկելի կդարձնենք, այլև կնպաստենք դրա թափանցիկ գործելաոճին և հաշվետվողականաության ավելացմանը: Այս և այլ բազմաթիվ փոփոխությունները կհանգեցնեն նրան, որ մի կողմից՝ համակարգում ծառայության անցնելը կդարձնենք ավելի գրավիչ, իսկ մյուս կողմից՝ մեր պետության ներքին անվտանգային միջավայրն ավելի կառավարելի կդառնա:
Վերջին տարիների ընթացքում Ոստիկանության, Արդարադատության նախարարության և միջազգային կառույցների հետ համատեղ աշխատանքի արդյունքում ուրվագծվեցին նոր ստեղծվելիք ՆԳՆ-ի ինստիտուցիոնալ ու ֆունկցիոնալ առանձնահատկությունները, և այսօրվա լսումների նպատակը հանրությանը ևս այս կարևոր բարեփոխումներին մասնակից դարձնելն է»,- նշեց Քոչարյանը:
Մանրամասները՝ տեսանյութում:
