06.11.2024 | 17:39
Ներկայացվել են Հռոմի ստատուտի վավերացումից հետո քաղհասարակության հետ իրականացրած աշխատանքներում արձանագրված ձեռքբերումները
Իլոն Մասկը հրաժարվել է Twitter-ը գնելու մտքից․ ընկերությունը դատի կտա նրան
Քաղաքականություն
09.07.2022 | 18:24
Tesla-ի ղեկավար և աշխարհի ամենահարուստ մարդը ՝ Իլոն Մասկը, հուլիսի 8-ին հայտարարել է, որ դադարեցնում է Twitter ընկերությունը 44 մլրդ դոլարով ձեռք բերելու գործարքը: Փաստաբան Մասկի կողմից Twitter-ի Գլխավոր Իրավաբանական տնօրենին ուղարկված նամակում ասվում է, որ ընկերությունը «էապես խախտել է միաձուլման համաձայնագրի բազմաթիվ դրույթները:
Ի թիվս այլ բաների, «Մասկը հիմքեր ունի ենթադրելու, որ կեղծ և «սպամական» թվիթերյան հաշիվների իրական թիվը զգալիորեն ավելի մեծ է, քան սոցիալական ցանցի «հինգ տոկոսից պակաս» թիվը, որը նշված է սոցցանցի կողմից, ասվում է փաստաթղթում, որի պատճենը հրապարակվել է ԱՄՆ Արժեթղթերի և բորսաների հանձնաժողովը։ Միլիարդատիրոջ դժգոհությունն են առաջացրել նաև ընկերության վերջին պաշտոնանկությունները։
Այդ նորությունների ֆոնին Twitter-ի բաժնետոմսերը բորսայական նստաշրջանի պաշտոնական փակումից հետո սակարկությունների ընթացքում նվազել են մոտ 6 տոկոսով: Միևնույն ժամանակ Tesla-ի բաժնետոմսերը գնի մեջ ավելացել են մոտ 4 տոկոս։
Twitter-ը դատի կտա Մասկին
Twitter-ի տնօրենների խորհրդի նախագահ Բրետ Թեյլորը հայտարարել է, որ ընկերությունը հավատարիմ է մնում գործարքը փակելուն «Մասկի հետ համաձայնեցված գնով և պայմաններով» և նախատեսում է դատական հայց ներկայացնել միաձուլման համաձայնագրի կատարումն ապահովելու համար:
«Մենք վստահ ենք, որ կհաղթենք Դելավերի դատարանում»,- գրել է Թեյլորը Twitter-ում։
The Twitter Board is committed to closing the transaction on the price and terms agreed upon with Mr. Musk and plans to pursue legal action to enforce the merger agreement. We are confident we will prevail in the Delaware Court of Chancery.
— Bret Taylor (@btaylor) July 8, 2022
