10.08.2026 | 20:08
Սահմանվել են էլեկտրոնային փողի թողարկման և օգտագործման կարգավորման նոր հնարավորություններ
Եվրոպան փորձում է գտնել Իրանի դեմ ամերիկյան պատժամիջոցներից խուսափելու ուղիներ. VOA
Քաղաքականություն
12.05.2018 | 11:12
Իրանում շարունակվում են բողոքի զանգվածային ցույցերն ընդդեմ ԱՄՆ-ի` բողոքելով միջուկային գործարքից Միացյալ Նահանգները դուրս բերելու նախագահ Դոնալ Թրամփի որոշման դեմ: Ցույցերի մասնակիցները նաեւ դատապարտում են Իսրայելին իրանական ուժերի դեմ Սիրիայում օդային գրոհներ իրականացնելու համար. տեղեկացնում է VOA-ն:
Թրամփը, գործարքից ԱՄՆ-ը դուրս բերելով հանդերձ, հայտարարել է, որ նորից ուժի մեջ է դնելու Իրանի նկատմամբ պատժամիջոցները, որոնք կասեցվել էին 2015 թվականին գործարքը կնքելուց ի վեր:
Թրամփի քայլն Իրանում ‘’ավազակային’’ են համարում եւ կարծր դիրքայինները եւ համեմատաբար չափավորականները:
Թրամփի որոշումը չի կարող դառնալ պատճառ Եվրոպայի հետ ԱՄՆ-ի հարաբերությունները հարցականի տակ դնելու համար, ասել է Գերմանիայի կանցլեր Անգելա Մերքելը: ‘’Այն ուժեղ հարված էր: Այս հարցում Եվրոպան միավորված է: Սա լուրջ միջադեպ է, սակայն պիտի ընդունենք, որ դեռեւս չկա հիմք միջատլանտյան գործընկերությունը հարցականի տակ դնելու համար, ասել է Մերքելը ու ավելացրել, որ գործարքն առանց ԱՄՆ-ի մասնակցության ուժի մեջ պահելու համար, հարկավոր են քննարկումներ Իրանի հետ:
Այո, Եվրոպան փորձում է ուղիներ գտնել այս կացությունից դուրս գալու համար: Չէ որ Իրանի հետ գործարքը կնքելուց հետո, ինչի արդյունքում Թեհրանը պարտավորվում էր դադարեցնել միջուկային ծրագիրը եւ որպես փոխհատուցում ազատվում միջազգային պատժամիջոցներից, եվրոպական մի շարք ընկերություններ էին շտապել միլիարդավոր դոլարների գործարքներ կնքել Իրանի հետ: Եվ ահա այժմ դրանք ընկնում են հարցականի տակ, քանի որ կարող են կորցնել բիզնես կապերն ԱՄՆ-ի հետ:
ԱՄՆ-ը խիստ պատժամիջոցներ է սահմանել այն բանկերի վրա, որոնք կիրականացնեն բանկային գործառույթներ Իրանի հետ: Այդ բանկերի թվում են Standard Chartered, HSBC and Lloyds բանկերը:
Ֆրանսիան ու նրա եվրոպական դաշնակիցները ծրագրում են Եվրոպական հանձնաժողով ներկայացնել առաջարկներ, որոնց նպատակը Եվրոպայի տնտեսական հետաքրքրությունների պաշտպանությունն ամրապնդելն է:
