18.12.2025 | 12:34
Վրաստանն արգելել է իր քաղաքացիներին քվեարկել արտասահմանում գտնվելու ընթացքում
Բորիս Ջոնսոնն այսօր հրաժարական է տալու. BBC
Քաղաքականություն
07.07.2022 | 12:34
Մեծ Բրիտանիայի վարչապետ Բորիս Ջոնսոնն այսօր պատրաստվում է հրաժարական տալ Պահպանողական կուսակցության ղեկավարի պաշտոնից, սակայն կշարունակի պաշտոնավարել որպես վարչապետ մինչև աշուն։ Այս մասին գրում է BBC-ի ռուսական ծառայությունը։
Կուսակցության առաջնորդի պաշտոնի համար պահպանողականները կպայքարեն այս ամռան ընթացքում, իսկ նոր վարչապետը պաշտոնը կստանձնի հոկտեմբերին։
Վարչապետի աշխատակազմից հայտնել են, որ Բորիս Ջոնսոնն այսօր կդիմի ժողովրդին։
Նշենք, որ Ջոնսոնը շարունակում է մնալ պաշտոնում՝ չնայած նրա կաբինետի մի շարք առանցքային նախարարներ հրաժարական են տվել։ Հինգշաբթի այն անձը, որին նա 48 ժամ առաջ նշանակել էր ֆինանսների նախարարի պաշտոնում, հրապարակայնորեն հորդորել է Ջոնսոնին հեռանալ:
Պաշտպանության նախարար Բեն Ուոլիսը ևս Ջոնսոնին կոչ է արել հրաժարական տալ, սակայն նշել է, որ կմնա իր պաշտոնում՝ պաշտպանելու ազգային անվտանգությունը:
Էմմա Չոբանյան
