26.11.2024 | 10:37
Հզոր ցիկլոնի ներթափանցմամբ պայմանավորված՝ հանրապետության ողջ տարածքում սպասվում են տեղումներ
ԵՀ ղեկավարը հորդորել է պատրաստվել Ռուսաստանից գազի մատակարարումների ամբողջական դադարեցմանը
Քաղաքականություն
07.07.2022 | 13:22
Եվրահանձնաժողովի նախագահ Ուրսուլա ֆոն դեր Լյայենը հայտարարել է, որ ԵՄ-ն պետք է արտակարգ իրավիճակների պլան մշակի՝ պատրաստվելու ուկրաինական պատերազմի ֆոնին ռուսական գազի մատակարարումների ամբողջական դադարեցմանը, գրում է VOA-ն:
ԵՄ-ն արդեն պատժամիջոցներ է սահմանել Ռուսաստանի դեմ, այդ թվում՝ էներգակիրների որոշ մատակարարումների համար, և հրաժարվում է Կրեմլի կողմից վերահսկվող մատակարարումներից: Սակայն ԵՄ գործադիր մարմնի ղեկավարն ասել է, որ դաշինքը պետք է պատրաստվի Մոսկվայից եկող ցնցումային խափանումներին:
«Մենք նաև պետք է պատրաստվենք գազի մատակարարումների հետագա ընդհատումներին և նույնիսկ ռուսական գազի մատակարարումների ամբողջական դադարեցմանը»,- ասել է ֆոն դեր Լյայենը՝ ելույթ ունենալով Ստրասբուրգում Եվրախորհրդարանում:
Նրա խոսքով՝ ԵՄ անդամ մոտ տասը երկրներ արդեն տուժել են գազի մատակարարումների կրճատումից կամ ամբողջական դադարեցումից՝ Ուկրաինա ներխուժման պատճառով Մոսկվայի հետ քաղաքական հակասության սրման ֆոնին։
«Սա ակնհայտ է․ Պուտինը շարունակում է էներգակիրներն օգտագործել որպես զենք։ Ահա թե ինչու Հանձնաժողովն աշխատում է եվրոպական արտակարգ պլանի վրա։ Մենք պետք է վտահ լինենք, որ մատակարարումների ամբողջական դադարեցման դեպքում գազը կգնա այնտեղ, որտեղ դրա կարիքն ամենաշատը կա։ Մենք պետք է ապահովենք եվրոպական համերաշխություն»,- ասել է եվրոպացի պաշտոնյան։
Տաթև Ֆռանգյան
