18.05.2026 | 20:13
«Ռոսկոսմոսը» սկսել է գովազդներ տեղադրել հրթիռների վրա, որով հարյուր միլիոնավոր ռուբլիներ է վաստակում
Կիևի համար երաշխիքները չեն կարող ՆԱՏՕ-ի հավաքական պաշտպանության մասին հոդվածի հետ նույնական լինել․ Շոլց
Քաղաքականություն
06.07.2022 | 18:06
Գերմանիայի կանցլեր Օլաֆ Շոլցը հայտարարել է, որ Ուկրաինայի համար անվտանգության երաշխիքները չեն կարող համահունչ լինել Հյուսիսատլանտյան պայմանագրի՝ ՆԱՏՕ-ի հավաքական պաշտպանության հոդվածի դրույթներին, գրում է ՏԱՍՍ-ը։
«Հարցը, թե ինչպես կարելի է դա կազմակերպել, կքննարկվի G7-ի երկրների և նրանց միջև, որոնք պատրաստ են Ուկրաինային անվտանգության նման երաշխիքներ տալ: Գերմանիան այդ երկրներից մեկն է։ Պարզ է, որ երաշխիքները չեն կարող համահունչ լինել նրանց, որոնք համապատասխանում են ՆԱՏՕ-ի պայմանագրի 5-րդ հոդվածին։ Դրանք պետք է հարմարեցվեն իրավիճակին»,- ասել է Շոլցը։
Ավելի վաղ էլ Շոլցն ասել է, որ Գերմանիան քննարկում է իր դաշնակիցների հետ Ուկրաինային անվտանգության երաշխիքներ տրամադրելու հարցը։ Նրա խոսքով՝ այդ հարցի համար դիվանագիտական նախապատրաստություններ են իրականացվում «այն օրվա համար, երբ պատերազմը կավարտվի»։
Էմմա Չոբանյան
