23.03.2026 | 20:51
Telcell Terminal-ներով այժմ հնարավոր է կատարել բանկային հաշիվների և քարտերի համալրում միայն նույնականացման միջոցով
ՌԴ դեսպանատունը սպառնում է ՀՀ-ին․ պատասխան եք տալու՝ ինչպե՞ս ձեր անվտանգության վրա կազդի այդ գիծը․ Արմեն Հովհաննիսյան. ՏԵՍԱՆՅՈՒԹ
Քաղաքականություն
05.07.2022 | 21:02
Կանադան որոշեց դեսպանատուն բացել ՀՀ-ում, և դա առիթ է դարձել Կանադայի ու ՌԴ-ի միջև դիվանագիտական փոխհրաձգության։ Բանն այն է, որ նախ հունիսի 29-ին Իսպանիայում ՆԱՏՕ-ի գագաթնաժողովում Կանադայի արտգործնախարար Մելանի Ջոլին հայտարարել է, թե Կանադայի դեսպանատան բացումը ՀՀ-ում երկկողմ կապերը կամրապնդի, հայկական ժողովորդավարությանը կաջակցեն, կօգնի Կանադային՝ արձագանքել աճող անվտանգային սպառնալիքներին, աջակցել եվրոպացի դաշնակիցներին քաղաքական եւ տնտեսական համագործակցության տեսանկյունից և շարունակել հակազդել ռուսական ներխուժմանը Ուկրաինայում»։
Հայաստանում ՌԴ դեսպանատունն այսպես է արձագանքել․ «Զարմացնում է նման անթաքույց ամբարտավան և արհամարհական վերաբերմունքը պետության նկատմամբ, որի հետ, կարծես, պատրաստվում են ամրապնդել երկկողմ կապերը։ Ակամայից մտածում ես այն մասին, թե ինչպես այդ գիծը կանդրադառնա հայ ժողովրդի բարեկեցության և անվտանգության վրա»։
Ինչպե՞ս բացատրել այս հրաձգությունը։ Factor TV-ի հետ հարցազրույցում քաղաքական վերլուծաբան Արմեն Հովհաննիսյանը պնդում է, որ ռուսական դեսպանատնից սպառնալիք է հնչեցվում ոչ այնքան Կանադայի, որքան ՀՀ-ի հասցեին։
«Ասում են՝ իրենց հանդեպ դեմարշը Կանադան է իրականացրել, բայց պատասխան եք տալու դրա համար դուք, որովհետև ես Կանադայի վրա չեմ կարող՝ ՆԱՏՕ-ի անդամ երկիր է, ԱՄՆ-ի հատուկ դաշնակիցը, բայց դո՛ւք․․․ Ձեզ մի դրեք ինքնիշխան երկրի տեղ։ Սա հուշում է այն մասին, որ բացի ՀՀ-ի ինքնիշխանության սահմանափակումից, կախվածությունից և այլն․․․ իշխող կառավարական խմբին թվում էր, թե Արևմուտք-ՌԴ հակամարտությունը նվազագույնս է անդրադառնալու ՀՀ-ի վրա, թե ՀՀ-ն չի դառնա բախման թատերաբեմ, երկուսն էլ ըմբռնում են ՀՀ-ի հատուկ իրադրությունը։ Բայց փոխադարձ հակամարտությունն այնքան է սրվում, որ դա արդեն օբյեկտիվ իրականություն է դարձել»,- ասաց Արմեն Հովհաննիսյանը։
Հարցազրույցն ամբողջությամբ՝ տեսանյութում։
Ռոբերտ Անանյան
