16.09.2026 | 13:07
Դուք ուզում եք գազը թանկանա, ուզում եք սանկցիաները ավելանան․ Թունյանը՝ «Ուժեղ Հայաստան»-ին․ ՏԵՍԱՆՅՈՒԹ
ՌԴ-ում Թուրքիայի դեսպանը հայտնել է, որ երկու երկրների միջև ապրանքաշրջանառությունը 2022 թ-ին կարող է աճել՝ հասնելով 50 միլիարդ դոլարի
Քաղաքականություն
05.07.2022 | 21:27
Ռուսաստանի և Թուրքիայի միջև առևտրաշրջանառությունը 2022 թվականի արդյունքներով կարող է աճել 15 միլիարդ դոլարով՝ հասնելով մոտ 50 միլիարդ դոլարի։ Այս մասին հայտարարել է ՌԴ-ում Թուրքիայի դեսպան Մեհմեդ Սամսարը, գրում է Կոմերսանտը։
Նրա խոսքով՝ վեց ամսում երկու երկրների միջև փոխադարձ առևտրի ծավալն արդեն հասել է 30 մլրդ դոլարի։
Սամսարն առևտրի աճը կապել է երկու երկրների միջև համագործակցության և ապրանքաշրջանառության աճի, ինչպես նաև էներգակիրների գների փոփոխության հետ։
«Այս տարի սպասում ենք, որ այն կարող է լինել մոտ 50 մլրդ դոլար, եթե էներգակիրներին գները մի փոքր նվազեն»,- ասել է դեսպանը։
Դիվանագետը հայտնել է, որ Ռուսաստանն ու Թուրքիան ունեն «ներդրումների մի շարք փոխադարձ նախագծեր արդյունաբերության ու առևտրի ոլորտներում»։ Նրա խոսքով՝ օգոստոսին պատրաստվում է Մոսկվա ժամանել թուրք մասնագետների մեծ պատվիրակություն մեքենաշինության ոլորտից, նաև նախատեսվում է գյուղատնտեսական տեխնիկա արտադրողների այցեր ՌԴ մարզեր։ Դեսպանը կոնկրետ ժամկետներ չի նշել։
Էմմա Չոբանյան
