19.12.2025 | 12:34
Քննիչի անբարեխիղճ վերաբերմունքի հետևանքով նախաքննական մարմինը զրկվել է ապացույցներ ձեռք բերելու հնարավորությունից․ ՀԿԿ
Չինաստանի պատմության մեջ տվյալների ամենամեծ արտահոսքն է գրանցվել․ Bloomberg
Քաղաքականություն
04.07.2022 | 16:43
Չինաստանում անհայտ հաքերները կոտրել են Շանհայի ոստիկանության տվյալների բազան և վաճառքի հանել երկրի մոտ մեկ միլիարդ քաղաքացիների տվյալները։ Փորձագետները սա անվանել են երկրի պատմության մեջ տվյալների ամենամեծ արտահոսքը, գրում է Bloomberg-ը:
Նշվում է, որ հաքերներն առաջարկում են 10 բիթքոինով վաճառել ավելի քան 23 տերաբայթ գողացված տվյալներ։ Տվյալների բազան ներառում է անուններ, բնակության հասցեներ, ծննդյան վայրեր, ազգության մասին տվյալներ, հեռախոսահամարներ ու քրեական գործերի մասին տվյալներ։
Այս մասշտաբային արտահոսքը ցնցել է կիբերանվտանգության մասնագետներին ու տարբեր խոսակցություններ առաջացրել այս լուրերի ճշմարտացիության վերաբերյալ։
Միևնույն ժամանակ, կրիպտոարժույթների փոխանակման Binance-ի հիմնադիր և գործադիր տնօրեն Չժաո Չանգպենգը հայտնել է, որ իր ընկերությունը հայտնաբերել է «ասիական մեկ երկրի» բնակիչների միլիարդավոր գրառումների արտահոսք, որից հետո խստացրել է ստուգման ընթացակարգը։
Շանհայի իշխանությունները դեռևս չեն մեկնաբանել ստեղծված իրավիճակը։
Տաթև Ֆռանգյան
