22.04.2026 | 21:01
Մարտին Պողոսյանը՝ ծանրամարտի Եվրոպայի առաջնության բրոնզե մեդալակիր
Պուտինը հայտարարել է, որ ՌԴ-ն խնդիր չունի ՆԱՏՕ-ին Շվեդիայի և Ֆինլանդիայի անդամակցության հետ
Քաղաքականություն
30.06.2022 | 13:46
Ռուսաստանը մտահոգված չէ ՆԱՏՕ-ին Ֆինլանդիայի և Շվեդիայի հնարավոր անդամակցության հետ կապված, սակայն հայելային պատասխան կտա այդ երկրներում դաշինքի ռազմական ենթակառուցվածքների տեղակայման դեպքում։ Այս մասին հայտարարել է ՌԴ նախագահ Վլադիմիր Պուտինը Կասպյան գագաթնաժողովից հետո, գրում է ՌԲԿ-ն։
«Մենք անհանգստանալու ոչինչ չունենք ՆԱՏՕ-ին Ֆինլանդիայի և Շվեդիայի անդամակցության առումով։ Ցանկանում են միանալ՝ խնդրեմ։ Նրանք միայն պետք է հստակ ու պարզ պատկերացնեն, որ նախկինում նրանց համար որևէ սպառնալիք չի եղել, իսկ հիմա այնտեղ ռազմական ստորաբաժանումների տեղակայման դեպքում ստիպված կլինենք հայելային պատասխան տալ և ստեղծել նույն սպառնալիքներն այն տարածքների համար, որտեղից մեզ համար սպառնալիքներ են ստեղծվում»,- ասել է Պուտինը։
Նա, միաժամանակ, ընդգծել է, որ արևմտյան երկրների կոչն Ուկրաինային՝ հրաժարվել Ռուսաստանի հետ բանակցություններից, հաստատում է, որ «ամեն ինչ արվում է՝ միասնական Արևմուտքի կայսերական նկրտումներին հասնելու համար»։
Հավելենք, որ նախօրեին Մադրիդում անցկացվող գագաթնաժողովում ՆԱՏՕ-ն որոշում է ընդունել պաշտոնապես հրավիրել Շվեդիային ու Ֆինլանդիային՝ միանալ դաշինքին։
Էմմա Չոբանյան
