Բելառուս ընդդիմադիր գործիչ Տիխանովսկին ներառվել է Մինսկի «ահաբեկիչների ցուցակում»

Լուրեր

19.11.2026 | 11:14
Ամփոփիչ մրցաշար. Ալկարասը և Տիաֆոն հաղթել են. ՏԵՍԱՆՅՈՒԹ
19.11.2026 | 11:11
Անհետ կորածների վերաբերյալ մեզ հետաքրքրող բազմաթիվ հարցերի պատասխաններն Ադրբեջանում են․ Փաշինյան
19.11.2026 | 11:05
Սի Ցզինպինի հետ հանդիպմանը Թրամփը բարձր է գնահատել իրենց անձնական հարաբերությունները
19.11.2026 | 11:00
Կառավարության նիստը՝ ՈՒՂԻՂ
19.11.2026 | 11:00
Արմավիր համայնքի ղեկավարը ևս դատի է տվել Իրինա Յոլյանին․ պահանջում է ԱԺ ամբիոնից հերքում և 3 մլն դրամ
19.11.2026 | 10:51
Ուկրաինան կրկին հարվածել է Ղրիմի կամրջին․ երթևեկությունը դադարեցված է
19.11.2026 | 10:43
Total Chess. Հայկ Մարտիրոսյանն ու Լևոն Արոնյանը հաղթանակներ են տարել
19.11.2026 | 10:33
Թրամփն ու Պուտինը բանակցություններ են անցկացրել․ հայտնի է՝ ինչ հարցեր են քննարկել
19.11.2026 | 10:25
Մեկնարկել է կենսաթոշակառուների՝ անկանխիկ գործարքների դիմաց հոկտեմբեր ամսվա հետվճարների տրամադրումը
19.11.2026 | 10:10
Արտարժույթների փոխարժեքները՝ նոյեմբերի 19-ի դրությամբ
19.11.2026 | 10:07
Հրանտ-Լեոն Ռանոսը դուբլի հեղինակ է դարձել Իսպանիայի գավաթի խաղում. ՏԵՍԱՆՅՈՒԹ
19.11.2026 | 10:00
ԱԺ-ն քննարկում է 2027 թվականի բյուջեի նախագիծը. ՈՒՂԻՂ
19.11.2026 | 09:45
ՀՀ տարածքում ավտոճանապարհները հիմնականում անցանելի են
19.11.2026 | 09:34
Ալեն Սիմոնյանի ճեպազրույցը. ՈՒՂԻՂ
19.11.2026 | 09:03
Անհետ կորած անձանց ճակատագիրը․ մարդասիրական երկխոսություն և համագործակցություն. ՈՒՂԻՂ
Բոլորը

Բելառուսի Պետական անվտանգության կոմիտեն ընդդիմադիր գործիչ, բլոգեր Սերգեյ Տիխանովսկուն ու ևս 22 անձի ներառել են Ահաբեկչական գործունեության հետ կապ ունեցող կազմակերպությունների ու ֆիզիկական անձանց ցուցակում, գրում է DW-ի ռուսական ծառայությունը։

«Տիխանովսկուն այս ցուցակում ընդգրկելու համար հիմք է հանդիսանում 130-րդ հոդվածով («Ռասայական, ազգային, կրոնական կամ այլ սոցիալական ատելություն կամ տարաձայնություն հրահրելը») և 293-րդ հոդվածով նախատեսված հանցանքների համար մեղավոր ճանաչելու մասին դատավճռի օրինական ուժի մեջ մտնելը (Բելառուսի Հանրապետության քրեական օրենսգրքի համաձայն՝ զանգվածային անկարգություններ)»,- ասված է ՊԱԿ-ի հայտարարության մեջ, որը հրապարակվել է գերատեսչության կայքում։

Տիխանովսկին, որը ծրագրում էր մասնակցել 2020 թվականի նախագահական ընտրություններին, ձերբակալվել է 2020 թվականի մայիսի 29-ին Գրոդնոյում՝ նախագահի թեկնածուի առաջադրմանն աջակցող պիկետի ժամանակ։ Բերման են ենթարկվել նաև նրա մի քանի համախոհներ։

Բելառուսի իրավապահ մարմինները հայտարարել են, որ «կազմակերպվել է ապօրինի հրապարակային միջոցառում, հանրահավաք, որի ընթացքում կատարվել են խմբակային գործողություններ՝ կոպտորեն խախտելով հասարակական կարգը և ոստիկանության օրինական պահանջներին բացահայտ անհնազանդություն է դրսևորվել»:

Դեկտեմբերի 14-ին Գոմելի շրջանային դատարանը Տիխանովսկուն դատապարտել է 18 տարվա ազատազրկման խիստ ռեժիմի գաղութում։ Սա ամենաերկար ժամկետն է, որը վերջին ընտրություններում ստացել է Լուկաշենկոյի քաղաքական հակառակորդը։ Մինչ այդ, Վիկտոր Բաբարիկոն դատապարտվել է 14 տարվա ազատազրկման, Մարիա Կոլեսնիկովան՝ 11։ «Տիխանովսկու գործով» մնացած հինգ մեղադրյալները 14-ից 16 տարվա ազատազրկման են դատապարտվել։

Նշենք, որ Բելառուսի ՊԱԿ-ի «ահաբեկիչների ցուցակում» այժմ կա 870 անուն։

Հիշեցնենք, որ մայիսի 18-ին Բելառուսի ղեկավար Ալեքսանդր Լուկաշենկոն օրենք է ստորագրել Քրեական օրենսգրքում փոփոխություններ կատարելու մասին, որոնք ընդլայնում են մահապատժի շրջանակը։ Այժմ մահապատժի կարող են դատապարտել ահաբեկչական հանցագործությունների փորձի համար։

Տաթև Ֆռանգյան