16.09.2026 | 22:35
Եվրոպա լիգա. «Արարատ-Արմենիան» պարտությամբ մեկնարկեց հիմնական փուլում. ՏԵՍԱՆՅՈՒԹ
Մեծ Բրիտանիան ՆԱՏՕ-ին կոչ է անում պատրաստվել ռուսական հարձակմանը
Քաղաքականություն
28.06.2022 | 16:33
Մեծ Բրիտանիան նախազգուշացրել է ՆԱՏՕ-ի երկրներից մեկի վրա Ռուսաստանի հնարավոր հարձակման մասին՝ Ուկրաինայում իր հատուկ գործողության ավարտից հետո։ Բրիտանական բանակի գլխավոր շտաբի պետ, գեներալ Պատրիկ Սանդերսի խոսքերն է մեջբերում The Independent պարբերականը։
Մադրիդում ՆԱՏՕ-ի գագաթնաժողովում գեներալը հորդորել է դաշինքին պատրաստվել Ռուսաստանի հետ պատերազմի։
Նրա կարծիքով՝ ստեղծված իրավիճակը համեմատելի է համաշխարհային պատերազմի նախապատրաստության հետ, ուստի բրիտանական բանակի հետագա ցանկացած կրճատում «այլասերվածություն» կլինի։
Ավելի վաղ ԵՄ արտաքին քաղաքականության և անվտանգության հարցերով գերագույն հանձնակատար Ժոզեպ Բորելը հայտարարել էր, որ Եվրամիության երկրներին անհրաժեշտ է մեծացնել ռազմական ծախսերը։ Նա նաև նշել է, որ Եվրամիությունը ռազմական ասոցիացիա չէ, սակայն մասնակից երկրների ուժերը պետք է «կարողանան միասին աշխատել»։
Տաթև Ֆռանգյան
