15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Հուսով ենք, որ արդարադատություն կիրականացվի․ պաշտպանը՝ Սամվել Բաբայանի ազատ արձակման մասին
Հասարակություն
10.05.2018 | 18:22
«Սամվել Բաբայանի և մյուսների գործով Վճռաբեկ բողոքն ապրիլի 26-ին ներկայացվել է դատարան։ Ակնկալիքներս, բնականաբար, վերջին իրադարձությունների հետ կապված ավելացել են, հուսով ենք, որ արդարադատություն կիրականացվի։ Իրավական առումով դեռ Վճռաբեկ դատարանից որոշում չենք ստացել»,- Factor.am -ի հետ զրույցում ասաց ԼՂ ՊԲ նախկին հրամանատար Սամվել Բաբայանի պաշտպան Ավետիս Քալաշյանը։
Փաստաբանը նշեց՝ Սամվել Բաբայանին չի հանդիպել այս օրերին, Հայաստանի ներքաղաքական կյանքի փոփոխությունների մասին նրա տեսակետին դեռևս ծանոթ չէ , ինչ վերաբերում է կալանքի փոփոխման հնարավորությանը, փաստաբանն ասաց, որ պետք է դատական նիստ կայանա, որպեսզի հստակեցվի, թե ինչ է լինելու այս գործի ճակատագիրը․ «Վճռաբեկ դատարանը նախ պետք է բողոքն ընդունի վարույթ և վերջում էլ որոշում կայացնի արդարացման վերաբերյալ, իրավական առումով կարգավորումը սա է»։
Լիլիթ Շաբոյան
