Քաղաքականություն
27.06.2022 | 16:54
Փրկարարները ուղղաթիռներով տարհանում են քաղաքացիներին Վրաստանի հյուսիս-արևելքում գտնվող աղետի գոտուց։ Նովոստի Գրուզիայի փոխանցմամբ՝ այս մասին հայտնում է ՆԳՆ մամուլի ծառայությունը։
Գործողությունն ընթանում է Դուշեթիի մունիցիպալիտետի չորս լեռնային գյուղերում՝ Կորշայում, Ռոշկայում, Բարիսախոյում և Չարգալիում։
«Մարզում քաղաքացիներին անվտանգ տեղափոխելու համար գործընթացում անմիջականորեն ներգրավվել են հրշեջ-փրկարարական ուժերի աշխատակիցները, իսկ այսօր առավոտյան՝ սահմանապահ ոստիկանության ուղղաթիռը»,- հայտնում է գործակալությունը։
Մցխեթա-Մթիանեթի տարածաշրջանի մի քանի գյուղեր կտրվել են արտաքին աշխարհից այն բանից հետո, երբ մոլեգնող Թերեք և Դևդորակի գետերը վնասել են ճանապարհները: Խնդիրներ են առաջացել նաև վրաց-ռուսական սահմանին։
Տաթև Ֆռանգյան
