16.09.2026 | 18:46
ՀՀ-ն է որոշումներ կայացնելու TRIPP մուտք ու ելքի պահին. Փաշինյան. ՏԵՍԱՆՅՈՒԹ
G7-ի երկրները ծրագրում են ընդլայնել Ռուսաստանի պաշտպանական ոլորտի դեմ պատժամիջոցները
Քաղաքականություն
27.06.2022 | 15:36
G7-ի երկրները մտադիր են է՛լ ավելի սահմանափակել Ռուսաստանի հասանելիությունը արդյունաբերական ռեսուրսներին և տեխնոլոգիաներին, որոնք աջակցում են ռուսական պաշտպանության ոլորտին։ Այս մասին հայտնել է Սպիտակ տունը, գրում է Ինտերֆաքսը։
«Մեծ յոթնյակի առաջնորդները համաձայնեցնում ու ընդլայնում են պատժամիջոցները, որոնք ուղղված են ՌԴ մուտքի սահմանափակմանը առանցքային արդյունաբերական ռեսուրսներին, ծառայություններին և տեխնոլոգիաներին՝ արտադրված մեր տնտեսությունների կողմից, հատկապես նրանք, որոնք աջակցում են ռուսական ռազմարդյունաբերական բազային ու տեխնոլոգիական ոլորտին»,- ասվում է Սպիտակ տան հայտարարության մեջ։
Փաստաթղթում ընդգծվում է, որ Վաշինգտոնը, մասնավորապես, ավելի շատ արգելափակող պատժամիջոցներ կսահմանի ռուսական խոշոր պետական ձեռնարկությունների նկատմամբ՝ «պաշտպանական մատակարարման շղթաների վրա» ազդելու նպատակով։
Ըստ ԱՄՆ վարչակազմի՝ համակարգելով G7-ի հետ՝ Վաշինգտոնը պատժամիջոցներ կկիրառի հարյուրավոր ֆիզիկական և իրավաբանական անձանց նկատմամբ։ ԱՄՆ-ը մտադիր է նաև ավելացնել մաքսատուրքերը Ռուսաստանից ապրանքների ավելի քան 570 խմբերի համար՝ մոտ 2,3 միլիարդ դոլար արժողությամբ։
Հավելենք, որ G7-ի գագաթնաժողովն ընթանում է Բավարիայում։
Էմմա Չոբանյան
