Քաղաքականություն
24.06.2022 | 20:23
Առավոտյան Խերսոնում մեքենա է պայթեցվել, որը պատկանում էր ռուսամետ «ռազմական-քաղաքացիական վարչակազմի» երիտասարդական քաղաքականության հարցերով բաժնի տնօրեն Դմիտրի Սավլուչենկոյին։
BBC-ի ռուսական ծառայության հաղորդմամբ՝ Սավլուչենկոն մահացել է մահափորձի արդյունքում։ «Իզվեստիա»-ի թղթակիցը դեպքի վայրից հայտնում է, որ պաշտոնյան տեղում մահացել է։
Նախորդ մահափորձը օկուպացված Խերսոնի շրջանի օկուպացիոն վարչակազմի աշխատակիցներից մեկի դեմ կատարվել էր հունիսի 18-ին։ Տուժել էր Եվգենի Սոբոլևը, ով ռուսամետ իշխանությունների կողմից նշանակվել է քրեակատարողական ծառայության տարածքային բաժնի պետ: Մեքենան, որում գտնվել է Սոբոլևը, վնասվել է ինքնաշեն պայթուցիկ սարքի պայթյունից։
Տաթև Ֆռանգյան
