15.12.2025 | 17:20
«Լեսթերի» ֆուտբոլիստի գոլը 60 մետրից․ ՏԵՍԱՆՅՈՒԹ
Ռուսական զորքերը 5 կմ առաջ են շարժվել դեպի Լիսիչանսկ․ բրիտանական հետախուզություն
Քաղաքականություն
23.06.2022 | 14:45
Բրիտանական հետախուզության տվյալներով՝ ռուսական զորքերը վերջին երեք օրվա ընթացքում ռեզերվների և կրակի հզոր խտության շնորհիվ կարողացել են մոտ 5 կիլոմետր առաջ շարժվել դեպի Լիսիչանսկ։ Այս մասին ասված է Մեծ Բրիտանիայի հետախուզության հունիսի 23-ի ամփոփագրում, փոխանցում է ՈւՆԻԱՆ-ը։
«Հունիսի 19-ից ռուսական ուժերը, ամենայն հավանականությամբ, կարողացել են առաջ շարժվել ավելի քան 5 կմ դեպի Լիսիչանսկի հարավային արվարձաններ։ Ուկրաինական որոշ ստորաբաժանումներ հետ են քաշվել, հնարավոր է՝ շրջափակումից խուսափելու համար։ Այս ուղղությամբ Ռուսաստանի Դաշնության մեծ հաջողությունները, հավանաբար, վերջին շրջանում ստորաբաժանումների ուժեղացման և կրակային զինատեսակների բարձր կենտրոնացվածության արդյունք են»,- նշում է հետախուզական ծառայությունը։
Ավելի վաղ բրիտանական հետախուզությունը հայտնել էր Դոնբաս մեծ թվով պահեստային ստորաբաժանումներ տեղակայելու՝ Ռուսաստանի մտադրությունների մասին։
Տաթև Ֆռանգյան
