03.05.2024 | 14:53
Մարտի 1-ի գործով նոր փամփուշտներ են ներկայացվել․ Աննա Վարդապետյան․ ՏԵՍԱՆՅՈՒԹ
Ադրբեջանը սկսել է Բերձորը շրջանցող նոր ճանապարհի ասֆալտապատման աշխատանքները
Քաղաքականություն
22.06.2022 | 21:41
Ադրբեջանը շարունակում է Բերձորը շրջանցող ճանապարհի կառուցումը։ Նոր ավտոմոբիլային ճանապարհի երկարությունը 32 կմ է, գրում են ադրբեջանական լրատվամիջոցները։
Նշվում է, որ ներկայում ճանապարհի երկայնքով ընթանում են լայնածավալ շինարարական աշխատանքներ՝ ճանապարհաշինության և արհեստական կայանքների տեղադրման ուղղությամբ։ Այն տեղում, որտեղ պատրաստ է ճանապարհի հիմքը, սկսվել է ասֆալտբետոնե նոր ծածկի տեղադրումը։
Ճանապարհի 22-րդ կիլոմետրում 149,5 մետր երկարությամբ և 13,5 մետր լայնությամբ քառակամար կամրջի կառուցումն ավարտական փուլում է։
Հավելենք, որ ըստ 2020 թվականի նոյեմբերի 9-ի Հայաստանի, ՌԴ-ի և Ադրբեջանի ղեկավարների ստորագրած եռակողմ հայտարարության՝ կողմերի համաձայնությամբ, Լեռնային Ղարաբաղի և Հայաստանի միջև կապն ապահովելու համար առաջիկա երեք տարիների ընթացքում պիտի հաստատվի Լաչինի միջանցքի երկայնքով նոր երթուղու կառուցման նախագիծ, որից հետո ռուսական խաղաղապահ զորակազմը կվերատեղակայվի՝ այդ երթուղու անվտանգությունն ապահովելու համար:
Էմմա Չոբանյան
