14.09.2026 | 09:45
Արտարժույթների փոխարժեքները՝ սեպտեմբերի 14-ի դրությամբ
Թուրքիան ավելի զգուշավոր է դարձել Ուկրաինային զենք վաճառելու հարցում. WSJ
Քաղաքականություն
22.06.2022 | 22:24
Թուրքիան զգուշավոր է դառնում Ուկրաինային ավելի շատ զենք մատակարարելու հարցում՝ այն բանից հետո, երբ թուրքական արտադրության անօդաչու թռչող սարքերն օգնել են Կիևին պաշտպանվել Ռուսաստանի ներխուժումից։ Wall Street Journal-ի հետ զրույցում այս մասին ասել է Թուրքիայի Պաշտպանական արդյունաբերության գործակալության նախագահԻսմայիլ Դեմիրը, փոխանցում է Al Arabiya-ն։
«Կարծում եմ՝ Թուրքիան միակ երկիրն է, որը կարող է երկու կողմերին կանչել խաղաղության սեղանի շուրջ։ Ինչպե՞ս կարելի է դա անել, եթե կողմերից մեկին հազարավոր զենքեր ես ուղարկում։ Մենք պետք է կարողանանք երկու կողմերի հետ խոսել։ Ինչ-որ մեկը պետք է բավական մոտ լինի երկու կողմերին, որպեսզի վստահություն ստեղծի։ Մեր առաջնահերթ խնդիրն է՝ վստահ լինել, որ խաղաղությունը կտիրի»,- ասել Դեմիրը։
Ինչ վերաբերում է հարցին՝ արդյո՞ք Թուրքիան կշարունակի Bayraktar TB-2 անօդաչու թռչող սարքեր մատակարարել Ուկրաինային, Դեմիրն ասել է․ «Որոշակի գործընթացներ կան, սակայն ես այն դիրքում չեմ՝ ասելու համար։ Բայց մենք շատ ավելի զգուշավոր ենք»։
Նշենք, որ ուկրաինական պատերազմի մեկնարկից ի վեր Թուրքիան քննադատել է Մոսկվայի ներխուժումն ու աջակցել Կիևին, սակայն, միաժամանակ, հրաժարվում է ՌԴ-ի դեմ պատժամիջոցների կիրառումից և օգնում է ռուսական բիզնեսին շրջանցել արևմտյան սահմանափակումները։
Էմմա Չոբանյան
