13.09.2026 | 21:40
Ցեմենտի շուկայում պակասուրդը պայմանավորված է հարևան երկրներից եկող մատակարարումների խաթարումներով․ Գևորգ Պապոյան
Թուրքական Մարմարիսում անտառային խոշոր հրդեհներ, հրդեհաշիջման աշխատանքներում ներգրավվել է ավիացիա․ ԼՈՒՍԱՆԿԱՐՆԵՐ
Քաղաքականություն
22.06.2022 | 14:52
Թուրքիայի հարավարևելյան Մուղլա նահանգի Մարմարիս հանգստավայրում երեկ երեկոյան անտառային խոշոր հրդեհներ են բռնկվել, որոնք դեռևս չի հաջոդվում մեկուսացնել, հայտնում են թուրքական լրատվամիջոցները։
Կրակն արագորեն տարածվել է քամու մեծ արագության պատճառով։
Հաղորդվում է, որ Անտառային տնտեսության գլխավոր վարչությունը Մարմարիսի շրջանի հրդեհները մարելու համար ավիացիա է ներգրավել։ Թուրքիայի Գյուղատնտեսության և անտառային տնտեսության նախարարության ներկայացուցիչների տեղեկությունների համաձայն՝ շուրջ 1600 մարդ է պայքարում անտառային հրդեհի դեմ։ Հրդեհաշիջման համար օգտագործվում է 363 միավոր հատուկ մեքենա, 39 միավոր շինարարական տեխնիկա։ Առավոտյան կրակի դեմ պայքարին միացել է 20 ուղղաթիռ ու 14 ինքնաթիռ։
Հիշեցնենք, որ Մուղլան անցյալ տարվա խոշոր անտառային հրդեհներից ամենաշատ տուժած նահանգներից է։
Էմմա Չոբանյան
