08.06.2026 | 20:35
Նիդերլանդներն աջակցում է Հայաստանին. Ռոբ Յետտեն
ԵՏՄ-ում համաձայնության են եկել ինդիկատիվ հաշվեկշռում հացահատիկի և թղթի ազատ շրջանառության հարցով
Քաղաքականություն
21.06.2022 | 18:38
Եվրասիական տնտեսական միության (ԵՏՄ) երկրների կառավարությունների ղեկավարները երեքշաբթի տեղի ուենցած միջկառավարական խորհրդում սահմանել են զգայուն տեսակի ապրանքների միասնական շուկայի գործունեության կանոնները՝ ապահովելով դրանց ազատ շրջանառությունը հաստատված ինդիկատիվ մնացորդների շրջանակում, փոխանցում է Ինտերֆաքսը։
«Ցուցակում ներառվել են ցորեն և մեսլին, գարի, եգիպտացորեն, արևածաղկի սերմեր, շաքարավազ, արևածաղկի ձեթ, վերամշակվող թուղթ կամ ստվարաթուղթ, ինչպես նաև գունավոր մետաղների թափոններ և ջարդոն»,- հայտնել է Եվրասիական տնտեսական հանձնաժողովի (ԵՏՀ) առևտրի նախարար Անդրեյ Սլեպնևը։
ԵՏՀ խորհրդին, ԵՏՄ անդամ երկրների կառավարությունների հետ միասին, հանձնարարվել է կազմակերպել ցուցակից ապրանքների հաշվեկշիռների պատրաստումը։ Միևնույն ժամանակ, միության երկրները կվերահսկեն այդ ապրանքների առնչությամբ ԵՏՄ անդամ երկրների կողմից սահմանված արտահանման սահմանափակումների պահպանումը։
«Այդ ապրանքները երրորդ երկրներ արտահանելիս կողմերը թույլ չեն տա շրջանցել մեկ կամ մի քանի պետությունների կողմից սահմանված արտահանման վերահսկման միջոցները, այդ թվում՝ Միության շրջանակում միակողմանի և (կամ) արտահանման վերահսկման միատեսակ միջոցների ընդունումը»,- ասվում է հաղորդագրության մեջ։
Եվրասիական երկաթուղիների նախարարության հրամանն ուժի մեջ կմտնի պաշտոնական հրապարակման օրվանից և կգործի մինչև 2024 թվականի սեպտեմբերի 30-ը։
Տաթև Ֆռանգյան
