16.09.2026 | 18:46
ՀՀ-ն է որոշումներ կայացնելու TRIPP մուտք ու ելքի պահին. Փաշինյան. ՏԵՍԱՆՅՈՒԹ
Գերմանիան և Սլովակիան չեն կարողանում համաձայնության գալ Ուկրաինային սպառազինություն մատակարարելու հարցում
Քաղաքականություն
21.06.2022 | 19:10
Գերմանիայով և Սլովակիայով ծանր սպառազինության փոխանցումն Ուկրաինային՝ վերջին երկու ամիսների ընթացքում ծրագրված շրջանաձև մատակարարումների շրջանակում, հետաձգվել է Բեռլինի և Բրատիսլավայի միջև համաձայնության բացակայության պատճառով: Այս մասին հաղորդում է Business Insider-ը։
Նրա խոսքով՝ Սլովակիան պատրաստվում էր Կիև տեղափոխել խորհրդային արտադրության 30 միավոր Տ-72 տանկ և դրա դիմաց Գերմանիայից ստանալ ավելի ժամանակակից տանկեր։ Սակայն անցած շաբաթ Բրատիսլավան հրաժարվել է շրջանաձև մատակարարումից այն բանից հետո, երբ Բեռլինն իրեն որպես փոխհատուցում առաջարկել է 15 միավոր Leopard 2A4 տանկ: Սլովակիայի իշխանությունների կարծիքով՝ դա բավարար չէ երկիրը պաշտպանելու համար։
Հիշեցնենք՝ ապրիլի վերջին Գերմանիայի Բունդեսթագը ճնշող մեծամասնությամբ աջակցել է Ուկրաինային ծանր սպառազինության մատակարարմանը։ Պատգամավորների որոշումը, որն ընդունվել է 586 ձայնով, կոչ է անում Գերմանիայի կառավարությանը՝ «շարունակել և, հնարավորության դեպքում, արագացնել Ուկրաինային անհրաժեշտ տեխնիկայի մատակարարումը՝ միաժամանակ ընդլայնելով ծանր և բարդ սպառազինությունների համակարգերի փոխանցումը, օրինակ՝ շրջանաձև առաքումների շրջանակում»։
Տաթև Ֆռանգյան
